پرەزيدەنت نۇرسۇلتان نازارباەۆ «استانا باس جوسپار» عزجي» جشس-دە بولىپ، استانانىڭ 2030 جىلعا دەيىنگى باس جوسپارىنا تۇزەتۋ ەنگىزۋ، استانالىق اگلومەراتسيانى قالىپتاستىرۋ جوباسىمەن،  سونداي-اق  ەلوردانىڭ جاڭا كولىك جۇيەسىن قۇرۋ بارىسى تانىستى. Akorda.kz سايتى حابارلاعانداي، نۇرجول بۋلۆارىنىڭ ەكىنشى كەزەڭدى جوباسىمەن، جاڭادان جوسپارلانىپ وتىرعان بىرقاتار قۇرىلىستارمەن تانىسقان ەلباسى:

ء«بىز قانداي ماسەلەلەر بار ەكەنىن بىلەمىز. سونىڭ ىشىندە اۆتوتۇراق ورىندارىنىڭ جەتىسپەۋشىلىگى دە بار، ول ماسەلە مىندەتتى تۇردە شەشىلەدى. جاقىندا جاۋعان جاڭبىر كارىز جۇيەسىندە قيىندىقتار بار ەكەنىن كورسەتتى، ونى دا جەتىلدىرۋ قاجەت. سونىمەن بىرگە بالاباقشالار مەن مەكتەپتەر سالۋ ماسەلەسىنە دە كوڭىل اۋدارۋ كەرەك. قالانىڭ ودان ءارى دامۋ پەرسپەكتيۆاسى ەكسپو-2017 اۋماعىن، ونىڭ اينالاسىنداعى كوشەلەردى سالۋدى، سۋلى-جاسىل بۋلۆاردى اباتتاندىرۋدى، جاڭا ساياباقتار، سونىڭ ىشىندە اۋماعى 100 گا بولاتىن بوتانيكالىق باق سالۋدى قامتيدى. بۇل ەلىمىزدىڭ قاق ورتاسىندا جاڭا مەگاپوليس قۇرۋعا مۇمكىندىك بەرىپ، بارشا قازاقستاندىقتاردىڭ يگىلىگىنە قىزمەت ەتەتىن بولادى»، — دەگەن.

اباي-اقپارات