وسىنداي تاقىرىپپەن تۇرىكتىڭ بەلدى باسىلىمى «حۇرريەت» اقپارات تاراتتى. حابارعا ساي، قىتاي بيلىگى شىڭجاڭداعى مەملەكەتتىك قىزمەتكەرلەر مەن پارتيانىڭ مۇسىلمان مۇشەلەرىنە، جاسى 18-گە تولماعاندارعا، ستۋدەنتتەر مەن وقىتۋشىلارعا ورازا ۇستاۋىنا رەسمي تيىم سالىپ، بۇيرىق شىعارعان.

بيلىك بۇدان سىرت، مۇسىلماندار يەلىك ەتەتىن ساۋدا دۇكەندەرى مەن رەستورانداردىڭ رامازان ايىندا دا الكوگول، تەمەكى ونىمدەرىن توقتاۋسىز ساتۋىن، ورازا ساعاتتارىندا دا قىزمەت ەتۋىن مىندەتتى ەتكەن. ولاي بولماعان جاعدايدا جابىلاتىنى تۋرالى ەسكەرتۋ بەرگەن.

دۇنيەجۇزىلىك ۇيعىر كونگرەسى وكىلى ديلشات راشيد قىتايدىڭ بۇل ارەكەتىن سىناپ، قىتاي بيلىگى مۇسىلماندار قۇقىن تاپتاۋ ارقىلى ۇيعىر حالقىن بيلىككە قارسى شىعۋعا يتەرمەلەپ وتىر دەپ سوككەن. ول: «ۇيعىرلاردىڭ سەنىمى جوعارى دەڭگەيدە ساياسيلاندىرىلىپ جىبەرىلدى. بۇل بەلسەندى قارسىلاستىققا اكەپ سوعۋى مۇمكىن» دەگەن.

اباي-اقپارات