قتقجب جەلىسى بويىنشا «قولجەتىمدى تۇرعىن ءۇي – 2020» باعدارلاماسىمەن سالىنعان ءار پاتەرگە 30 ادام ۇمىتكەر بولىپ وتىر.

ەلىمىزدىڭ بەس قالاسىندا – استانا، كوكشەتاۋ، پەتروپاۆل، قاسكەلەڭ جانە اقتوبە قالالارىندا قتقجب جەلىسى بويىنشا«قولجەتىمدى تۇرعىن ءۇي – 2020» باعدارلاماسىمەن سالىنعانتۇرعىن ءۇيدى ساتىپ الۋشىلار مەن جالعا الۋشىلار پۋلى قۇرىلىپ جاتىر. ەستەرىڭىزگە سالا كەتسەك، بۇل باعدارلاما كەشەندى وڭىرلەردى دامىتۋدىڭ 2020 جىلعا دەيىنگى باعدارلاماسىنىڭ ءبىر بولىگى بولىپ تابىلادى.  بانكتىڭ ءباسپاسوز قىزمەتىنىڭ اقپاراتىنا قاراعاندا، مەملەكەت سالعان الەۋمەتتىك تۇرعىن ۇيلەرگە ۇمىتكەرلەردىڭ سانى پايدالانۋعا بەرىلىپ جاتقان پاتەرلەر سانىنان 20 ەسەدەن 30 ەسەگە دەيىن ارتىق. پۋلعا قاتىسۋعا ءوتىنىش بەرگەندەردىڭ سانى جاعىنان استانا توپ باستاپ تۇر. ەلوردامىزدا پايدالانۋعا بەرىلىپ جاتقان 134 پاتەرگە 4 483 ءوتىنىش كەلىپ تۇسكەن. بۇل – ءبىر پاتەرگە 33 ۇمىتكەردەن كەلەدى دەگەن ءسوز.

تۇرعىن ءۇي قۇرىلىس جيناق بانكى وكىلدەرىنىڭ ايتۋىنشا، 2014 جىلى ءبىر پاتەرگە 9 ۇمىتكەردەن كەلسە، 2015 جىلى ورتا ەسەپپەن العاندا 20 ادامنان 30 ادامعا دەيىن ءوستى. بانكتەگىلەر مۇنى ەڭ الدىمەن ۇدەرىستەردىڭ اۆتوماتتاندىرىلۋىمەن بايلانىستىرادى. ەندى پۋلعا قاتىسۋ ءۇشىن، ساعاتتاپ كەزەك كۇتپەستەن، قتقجب سايتى ارقىلى ءوتىنىش بەرۋگە بولادى.   بانكتىڭ hcsbk.kz. سايتىنىڭ جەكە كابينەتىندە باللدى ەسەپتەۋدىڭ دۇرىستىعىن باقىلاۋعا بولادى.

-  بۇرىن ءبىزدىڭ بانكتە اشىلعان ءاربىر دەپوزيت ءۇشىن، ونىڭ تولتىرىلىپ جاتقان-جاتپاعانىنا قاراماستان، كليەنتكە 30 بالل بەرىلەتىن.  بىلتىر ەسەپتەۋ تەتىكتەرى وزگەردى، اۆتوماتتاندىرىلدى. بۇگىنگى كۇنى الەۋمەتتىك شارشى مەترلەرگە ۇمىتكەرلەردىڭ اراسىندا كىم ءۇش جىلدىڭ ىشىندە جيناقتاۋدىڭ ەڭ از مەرزىمىنە جەتسە، پاتەر قۇنىنىڭ 50%-ىن جيناقتاسا، سونىڭ مۇمكىندىگى كوپ، – دەيدى «قازاقستاننىڭ تۇرعىن ءۇي قۇرىلىس جيناق بانكى» اق بانكتىك ونىمدەردى ازىرلەۋ جانە ەنگىزۋ دەپارتامەنتىنىڭ ديرەكتورى ولگا حلىستوۆا، – بۇل – تۇرعىن ءۇي قۇرىلىس جيناق بانكىندە بۇرىن شوت اشىپ، نەعۇرلىم تۇراقتى تۇردە اقشا جيناپ تۇرساڭىز، وندا ءسىزدىڭ باعالاۋ كورسەتكىشىڭىز دە سوعۇرلىم جوعارى بولادى دەگەن ءسوز. ياعني، باللىڭىز دا كوپ بولماق.   دەمەك، «قولجەتىمدى تۇرعىن ءۇي – 2020» باعدارلاماسىمەن پۋلعا قاتىسۋعا مۇمكىندىگىڭىز دە ارتا تۇسەدى، – دەپ تۇيىندەيدى ولگا حلىستوۆا.

ماماندار قتقجب جەلىسىمەن الەۋمەتتىك پاتەرگە دەگەن مۇنشالىقتى زور سۇرانىستى باعدارلاماعا قاتىسۋ تەتىگىنىڭ وڭايلاتىلعانىمەن، سونداي-اق بانك كوميسسياسىنىڭ ازايتىلۋىمەن بايلانىستىرادى. اتاپ ايتقاندا، تۇرعىن ءۇيدى ساتىپ الۋشىلار پۋلىنا قاتىسۋعا كوميسسيا الىنىپ تاستالدى. ونىڭ ۇستىنە، قتقجب پاتەرلەردى ءبولۋ بارىسى تولىق اۆتوماتتاندىرىلعان. ەندى قالاۋ كەستەسىن تولتىرۋ جەتكىلىكتى. تولەم قابىلەتىن راستاعاننان كەيىن، جيناقتالعان باللدارعا سايكەس، جۇيە قاتىسۋشىلار اراسىنان اۆتوماتتى تۇردە پاتەر بولەدى.

-ۇدەرىستەردى اۆتوماتتاندىرۋ ناتيجەسىندە، ءبىز تۇرعىن ءۇي قۇرىلىس جيناق بانكى جەلىسىمەن وڭىرلەردى دامىتۋدىڭ 2020 جىلعا دەيىنگى باعدارلاماسى بويىنشا تۇرعىن ءۇيدى ءبولۋدىڭ اشىقتىعىنا قول جەتكىزدىك. وسىلايشا، «ادام فاكتورىن» تولىقتاي جويدىق، – دەپ حابارلادى «قازاقستاننىڭ تۇرعىن ءۇي قۇرىلىس جيناق بانكى» اق باسقارۋشى ديرەكتورى ەرۋلان جاماۋباەۆ, – ارينە، پاتەرلەرگە دەگەن مۇنداي زور سۇرانىس جاعدايىندا، تىلەك بىلدىرگەن ادامداردىڭ بارلىعى بىردەي الەۋمەتتىك تۇرعىن ءۇي ساتىپ الا المايتىنى تۇسىنىكتى جايت. الايدا، باعدارلامانىڭ 2020 جىلعا دەيىن جۇمىس ىستەيتىنىن ەسكەرگەن ءجون. ونىڭ ۇستىنە، بانك ەكىنشى نارىقتان تۇرعىن ءۇي ساتىپ الۋدى قارجىلاندىرۋدىڭ ءتۇرلى نۇسقالارىن ۇسىنىپ وتىر. بۇل ءبىزدىڭ كليەنتتەرىمىزگە ۇتىمدى تالاپتارمەن جىلجىمايتىن مۇلىككە يە بولۋعا جاردەمدەسەدى، – دەيدى جاماۋباەۆ.

اباي-اقپارات