جۇما, 29 ناۋرىز 2024
قازا 9175 0 پىكىر 30 ءساۋىر, 2015 ساعات 16:43

باتىرحان كەڭسايعا جەرلەنەدى

28 ساۋىردە قايتىس بولعان ءانشى باتىرحان شۇكەنوۆپەن قوشتاسۋ ءراسىمى 1 مامىر كۇنى ساعات تاڭعى 10-دا الماتىدا – قازاقتىڭ جامبىل اتىنداعى مەملەكەتتىك فيلارمونياسىندا وتەدى (قالداياقوۆ كوشەسى، 35-ءۇي).

اۋەلدە حالىقتىڭ سۇيىكتى انشىسىمەن قوشتاسۋ ءراسىمى رەسپۋبليكا سارايىندا نەمەسە م.اۋەزوۆ اتىنداعى دراما تەاترىندا ءوتۋى مۇمكىن دەلىنگەن بولاتىن. الايدا رەسپۋبليكا سارايىنىڭ ءىشى مۇندا ءىس-شارا وتكىزۋگە قولايسىزداۋ بولىپ شىقتى، ال تەاترداعى ءراسىم تۋرالى ءسوزدى الماتى قالالىق مادەنيەت باسقارماسى «ونداي جوسپار بولعان ەمەس» دەپ، جوققا شىعاردى. ءسويتىپ، انشىمەن قوشتاسۋ جامبىل اتىنداعى مەملەكەتتىك فيلارمونيادا وتەتىن بوپ شەشىلدى. فيلارمونيا عيماراتىنىڭ ەسىگى كەلەم دەۋشىلەرگە تاڭعى 8.30-دان باستاپ اشىق بولادى.

مارقۇمنىڭ دەنەسىن ماسكەۋدەن ءانشىنىڭ باۋىرى باۋىرجان شۇكەنوۆ 30 ءساۋىر كۇنى الىپ كەلدى. «ماسكەۋدىڭ دوستارىمىزدىڭ جانە قازاقستانداعى رەسەيدەگى كونسۋلدىعى وكىلدەرىنىڭ كومەگىمەن باۋىرىمنىڭ سۇيەگىن الىپ، ەلگە ۇشىپ كەلە جاتىرمىز. انامىزعا بالاسىنىڭ سۇيەگىن الىپ كەلۋگە ءماجبۇر بولامىن دەپ ەشقاشان ويلاماپپىن. باتىر ۇنەمى انامىزدىڭ دەنساۋلىعىن ويلايتىن، جۇرەگىنىڭ اۋىرماۋىن قاداعالاۋعا تىرىساتىن. ءسويتىپ ءجۇرىپ ءوز جۇرەگىن ساقتاي الماعانى قانداي وكىنىشتى... بوتكين اۋرۋحاناسىندا شاعىن عانا قوشتاسۋ ءراسىمى بولدى، ماسكەۋدەگى جاقىن ارالاسقان دوستارى، ارىپتەستەرى كەلدى» دەپ جازدى باۋىرجان فەيسبۋكتەگى جەكە پاراقشاسىندا.

باتىرحان شۇكەنوۆ 1962 جىلى 18 مامىردا قىزىلوردادا دۇنيەگە كەلگەن. ونەر جولىن ول بەلگىلى ءانشى روزا رىمباەۆانىڭ ساكسوفونشىسى رەتىندە باستاعان. 1988 جىلى ءوزى قۇرعان «ا'ستۋديو» توبىنىڭ فرونتمەنتى بولدى، ال ءبىر جىلدان كەيىن «دجۋليا» دەپ اتالاتىن حيت ءانى شىقتى. تانىمالدىلىق بۇل توپقا اللا پۋگاچەۆامەن بىرگە «روجدەستۆەنسكيە ۆسترەچي» كەشىنە قاتىسقاننان كەيىن كەلدى. باتىرحان «ا'ستۋديو» توبىنان 2000 جىلى كەتىپ، جەكە ونەر كورسەتە باستادى. وسىدان ەكى بۇرىن ول ماسكەۋدەگى پاتەرىندە جۇرەك تالماسىنان قايتىس بولدى.

29 ءساۋىر كۇنى الماتىداعى رەسپۋبليكا سارايى مەن «ارمان» كينوتەاترىنىڭ الدىنا جينالعان كوپشىلىك باتىرحان شۇكەنوۆتىڭ سۋرەتتەرى مەن ءان ماتىندەرى جازىلعان پاراقتاردى ۇستاپ، «وتان انا»، «ساعىم دۇنيە»، «تۆوي شاگي»، «نەليۋبيمايا»، «دجۋليا»، «دوجد»، «سولدات ليۋبۆي» سەكىلدى اندەردى شىرقادى. ونىڭ ساراي الدىنا قويىلعان ۇلكەن فوتوسۋرەتىنىڭ الدى القىزىل گۇلگە تولدى. باتىرحاندى ەسكە الۋعا شامامەن 2 مىڭداي ادام جينالدى.

«باتىرحانمەن قوشتاسۋ 1 مامىرعا بەلگىلەنگەنى راس، الايدا جەرلەۋ ءراسىمى 2 مامىردا بولۋى مۇمكىن – دەيدى قازاقتىڭ جامبىل اتىنداعى مەملەكەتتىك فيلارمونياسىنىڭ باس اكىمشىسى لەۆ مەيزەروۆيچ. – تۋىسقاندارىنىڭ شەشىمى سولاي». 

باتىرحان شۇكەنوۆتىڭ ءمايىتى كەڭزاي زيراتىنا قويىلماق.

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618