قارجى پوليتسياسى دەنساۋلىق ساقتاۋ ءمينيسترى جاقسىلىق دوسقاليەۆتى 9 ميلليون دوللاردان استام قارجى جىمقىردى دەپ ايىپتايدى. ال ءبىر توپ دەپۋتات باس پروكۋراتۋرادان مينيسترگە قاتىستى قىلمىستىق ءىس قوزعاعان قارجى پوليتسياسىنىڭ ارەكەتىن زەرتتەۋدى تالاپ ەتىپ جاتىر.

قارجى پوليتسياسىنىڭ رەسمي وكىلى مۇرات جۇمانبايدىڭ ايتۋىنشا، جاقسىلىق دوسقاليەۆ 2005-2006 جىلدارى قازاق مەملەكەتتىك مەديتسينالىق اكادەمياسىنىڭ رەكتورى بولىپ جۇرگەن كەزىندە زاڭعا قايشى ارەكەت قىلعان. ءدال وسى جىلدارى ءوزىنىڭ دوسى، "استانا كبت" جشس-ءنىڭ ديرەكتورى ك.كەنجين دەگەن ازاماتپەن اكادەمياعا تيەسىلى ۋچاسكىدە ەكى تۇرعىن ءۇي سالۋ تۋرالى كەلىسىمگە وتىرعان.

زاڭسىز ءۇي سالۋ

- دوسقاليەۆتىڭ سەنىمحاتىنىڭ نەگىزىندە كەنجين پاتەرلەردى اكادەمياعا ەش قاتىسى جوق جەكە تۇلعالارعا ساتىپ، 1.4 ميلليارد تەڭگە تابىس تاپقان. «استانانىڭ مەديتسينالىق ۋنيۆەرسيتەتى» اق-ى بولگەن جەر تەلىمدەرى وقىتۋشىلاردىڭ تۇرعىن ءۇي قۇرىلىسىنا ارنالعان بولاتىن، - دەدى مۇرات جۇمانباي قىركۇيەكتىڭ 29-ى كۇنى وتكەن بريفينگتە.

قارجى پوليتسياسىنىڭ اقپارات قۇرالدارىنا تاراتقان ءباسپاسوز مالىمدەمەسىندە ءمينيستردىڭ تەرگەۋ كەزىندە قىلمىستىق ىستەگى كۋاگەرلەرگە قىسىم جاساعانى تۋراسىندا باياندالعان. ونداعى اقپاراتقا سەنسەك، ايىپ تاعىلعاننان كەيىن دوسقاليەۆتە ەلدەن كەتپەك وي بولعان.

قارجى پوليتسياسى دەنساۋلىق ساقتاۋ ءمينيسترى جاقسىلىق دوسقاليەۆتى 9 ميلليون دوللاردان استام قارجى جىمقىردى دەپ ايىپتايدى. ال ءبىر توپ دەپۋتات باس پروكۋراتۋرادان مينيسترگە قاتىستى قىلمىستىق ءىس قوزعاعان قارجى پوليتسياسىنىڭ ارەكەتىن زەرتتەۋدى تالاپ ەتىپ جاتىر.

قارجى پوليتسياسىنىڭ رەسمي وكىلى مۇرات جۇمانبايدىڭ ايتۋىنشا، جاقسىلىق دوسقاليەۆ 2005-2006 جىلدارى قازاق مەملەكەتتىك مەديتسينالىق اكادەمياسىنىڭ رەكتورى بولىپ جۇرگەن كەزىندە زاڭعا قايشى ارەكەت قىلعان. ءدال وسى جىلدارى ءوزىنىڭ دوسى، "استانا كبت" جشس-ءنىڭ ديرەكتورى ك.كەنجين دەگەن ازاماتپەن اكادەمياعا تيەسىلى ۋچاسكىدە ەكى تۇرعىن ءۇي سالۋ تۋرالى كەلىسىمگە وتىرعان.

زاڭسىز ءۇي سالۋ

- دوسقاليەۆتىڭ سەنىمحاتىنىڭ نەگىزىندە كەنجين پاتەرلەردى اكادەمياعا ەش قاتىسى جوق جەكە تۇلعالارعا ساتىپ، 1.4 ميلليارد تەڭگە تابىس تاپقان. «استانانىڭ مەديتسينالىق ۋنيۆەرسيتەتى» اق-ى بولگەن جەر تەلىمدەرى وقىتۋشىلاردىڭ تۇرعىن ءۇي قۇرىلىسىنا ارنالعان بولاتىن، - دەدى مۇرات جۇمانباي قىركۇيەكتىڭ 29-ى كۇنى وتكەن بريفينگتە.

قارجى پوليتسياسىنىڭ اقپارات قۇرالدارىنا تاراتقان ءباسپاسوز مالىمدەمەسىندە ءمينيستردىڭ تەرگەۋ كەزىندە قىلمىستىق ىستەگى كۋاگەرلەرگە قىسىم جاساعانى تۋراسىندا باياندالعان. ونداعى اقپاراتقا سەنسەك، ايىپ تاعىلعاننان كەيىن دوسقاليەۆتە ەلدەن كەتپەك وي بولعان.

«دوسقاليەۆ شەت مەملەكەتتەردىڭ بىرىنە كەتۋ ءۇشىن ۆيزا اشقان. بۇل ونىڭ قىلمىستىق جاۋاپكەرشىلىكتەن بۇلتارۋ ماقساتىندا قازاقستان رەسپۋبليكاسىنا قايتىپ ورالماۋ نيەتى بولدى دەپ تۇجىرىم جاساۋعا نەگىز بەرەدى» دەپ جازىلعان ءباسپاسوز مالىمدەمەسىندە.

ەستەرىڭىزگە سالا كەتەيىك، وتكەن اپتانىڭ اياعىندا قارجى پوليتسياسى ءوز قىزمەتىن اسىرا پايدالاندى دەگەن ايىپپەن جاقسىلىق دوسقاليەۆتىڭ ۇستىنەن قىلمىستىق ءىس قوزعاعان بولاتىن.

ينسۋلت الۋ

اپتا باسىندا دەنساۋلىق ساقتاۋ ءمينيسترىنىڭ تەرگەۋ كەزىندە ينسۋلت الىپ، استاناداعى قالالىق اۋرۋحاناعا تۇسكەنى تۋرالى اقپارات تارادى.

ءمينيستردىڭ دەنساۋلىعىنا الاڭداعان ءبىر توپ دەپۋتات سارسەنبى كۇنى باس پروكۋراتۋرادان قارجى پوليتسياسىنىڭ مينيسترگە قاتىستى ارەكەتىن زەرتتەۋدى سۇراپ، دەپۋتاتتىق ساۋال جولدادى. ولار تەرگەۋدەن كەيىن ينسۋلت العان مينيسترگە نە سەبەپتى دەر كەزىندە كومەك بەرىلمەگەنىن دە انىقتاپ بەرۋىن تالاپ ەتتى.

«دۇيسەنبىدە دەپۋتاتتارعا قىركۇيەكتىڭ 25-ءسى كۇنى دوسقاليەۆتىڭ قارجى پوليتسياسىندا تەرگەۋ كەزىندە ينسۋلت العانى بەلگىلى بولدى. الايدا تەك قىركۇيەكتىڭ 26-سىندا عانا ساعات 15.40-تا ول ۇلتتىق مەديتسينالىق ورتالىققا اۋىر حالدە جەتكىزىلگەن» دەلىنگەن دەپۋتاتتىق ساۋالدا. دەپۋتاتتاردىڭ ويىنشا، ەگەر مينيسترگە ۋاقتىلى كومەك بەرگەندە ول مۇنداي اۋىر حالگە تۇسپەس ەدى.

دەگەنمەن قارجى پوليتسياسى سارسەنبىلىك بريفينگتە ءمينيستردىڭ تەرگەۋ كەزىندە ينسۋلت العانىن جوققا شىعاردى. ولاردىڭ ايتۋىنشا، قىركۇيەكتىڭ 26-سى كۇنى تاڭەرتەڭ ءمينيستردىڭ قان قىسىمى جوعارىلاپ، اۋرۋحاناعا جەتكىزىلگەن.

سوت بىردەن قاماۋعا رۇقسات بەرمەدى

«دوسقاليەۆتى تەرگەۋ جۇمىسى ادۆوكاتتىڭ قاتىسۋىمەن قىركۇيەكتىڭ 22-سىندە ءوتتى. مۇنان كەيىن تەرگەۋ امالدارى بولعان جوق» دەيدى قارجى پوليتسياسى اقپارات قۇرالدارىنا تاراتقان مالىمدەمەسىندە.

جەرگىلىكتى اقپارات اگەنتتىكتەرىنىڭ حابارلاۋىنشا، قازىرگى تاڭدا ءمينيستردىڭ دەنساۋلىعى اۋەلگىشە ناشار. ءبىز مينيستر جاتقان اۋرۋحاناعا حابارلاسا المادىق.

سارىارقا اۋداندىق سوتى ءدال وسى سەبەپپەن جازا تاعايىنداۋ تۋرالى قارجى پوليتسياسىنىڭ ءوتىنىشىن قاناعاتتاندىرماعان ەدى. ماماندار الداعى ۋاقىتتا قارجى پوليتسياسىنىڭ قايتا ءوتىنىش بەرەتىنىن ايتىپ وتىر.

55 جاستاعى مەديتسينا عىلىمىنىڭ دوكتورى، پروفەسسور جاقسىلىق دوسقاليەۆ دەنساۋلىق ساقتاۋ ءمينيسترى قىزمەتىنە ەكى رەت تاعايىندالعان ەدى. العاش رەت مينيسترلىكتى 2001 جىلعى قازاننان باسقارعان ول 2004 جىلعى ءساۋىر ايىنان استاناداعى مەديتسينا اكادەمياسىنىڭ رەكتورى بولىپ جۇمىس ىستەدى. 2007 جىلى تامىزدا پرەزيدەنتتىك «نۇر وتان» پارتياسىنىڭ ءتىزىمى بويىنشا پارلامەنت ءماجىلىسىنىڭ دەپۋتاتى بولىپ سايلاندى. ال 2008 جىلى قاراشانىڭ 20-سى كۇنى ول پرەزيدەنت جارلىعىمەن دەنساۋلىق ساقتاۋ ءمينيسترى بولىپ قايتا تاعايىندالعان-دى.

http://www.azattyq.org/content/Kazakhstan_the_health_minister_Doskaliyev_is_accused_of_doing_illegal_business/2171825.html