بيلىك ەشالونىنداعى كانىگى كادر سانالاتىن تاعى ءبىر ءمينيستردىڭ ورىنتاعى شايقالىپ كەتتى. قارجى پوليتسياسى جاقسىلىق دوسقاليەۆكە مانسابىن اسىرا پايدالاندى دەگەن ايىپ تاعىپ وتىر. ايىپقا بەس جىل بۇرىنعى رەكتور كەزىندە استاناداعى مەديتسينا اكادەمياسىنىڭ جەر تەلىمىن كوممەرتسيالاق قۇرىلىس سالۋعا ءبولىپ بەرگەنى نەگىز بولىپتى. دەگەنمەن، مۇنىڭ شىندىققا قانشالىقتى جاناساتىنى ءالى انىقتالعان جوق. سوندىقتان قويدان قوڭىر كورىنەتىن، ءوز ءىسىنىڭ شەبەرى سانالاتىن جاقسىلىق دوسقاليەۆ مانسابىن اسىرا پايدالانىپ، مەملەكەتكە زيان كەلتىردى دەگەنگە ماجىلىسىتە ماجىلىستەس بولعان دەپۋتاتتار دا، قوعام دا سەنبەي وتىر.
قارجى پوليتسياسىنىڭ قارقىنى قاتتى. ولار مينيسترگە ءمىن بولارلىق سالماقتى سەبەپ تابامىز دەپ قۇلشىنىپ وتىر. ول ءۇشىن مەملەكەتتىك باعدارلاما بويىنشا سالىنعان اۋرۋحانالاردى اداقتاپ، قۇرال-جابدىق ساتىپ الۋعا ارنالعان تەندەرلەردى تەرگەپ، قارجى-قاراجاتقا قاتىستى قانداي دا ءبىر كەمشىلىك تابامىز دەپ ۋادەگە بەرگىسىز سوزدەرىن ايتتى. جەمقورلىقپەن كۇرەسىپ جۇرگەن جىگىتتەردىڭ ءجىتى نازارىنا تۇسكەن جاكەڭنىڭ جايى ەندى شىنىمەن دە قيىن بولار. سوتتىڭ ونى تۇتقىنداۋعا سانكتسيا بەرمەي قويۋى قارجى پوليتسياسىنىڭ قاتتى قىتىعىنا تيگەن سەكىلدى. ولار جاقسىلىق دوسقاليەۆ كاناداعا قاشۋ ءۇشىن ۆيزا اشتىرىپ قويعانىن جار سالا جەتكىزدى. بىراق مينيسترلىك وكىلدەرى ونىڭ ۆيزانى ءىس-ساپارعا شىعۋ ءۇشىن اشتىرعانىن ايتىپ وتىر.

بيلىك ەشالونىنداعى كانىگى كادر سانالاتىن تاعى ءبىر ءمينيستردىڭ ورىنتاعى شايقالىپ كەتتى. قارجى پوليتسياسى جاقسىلىق دوسقاليەۆكە مانسابىن اسىرا پايدالاندى دەگەن ايىپ تاعىپ وتىر. ايىپقا بەس جىل بۇرىنعى رەكتور كەزىندە استاناداعى مەديتسينا اكادەمياسىنىڭ جەر تەلىمىن كوممەرتسيالاق قۇرىلىس سالۋعا ءبولىپ بەرگەنى نەگىز بولىپتى. دەگەنمەن، مۇنىڭ شىندىققا قانشالىقتى جاناساتىنى ءالى انىقتالعان جوق. سوندىقتان قويدان قوڭىر كورىنەتىن، ءوز ءىسىنىڭ شەبەرى سانالاتىن جاقسىلىق دوسقاليەۆ مانسابىن اسىرا پايدالانىپ، مەملەكەتكە زيان كەلتىردى دەگەنگە ماجىلىسىتە ماجىلىستەس بولعان دەپۋتاتتار دا، قوعام دا سەنبەي وتىر.
قارجى پوليتسياسىنىڭ قارقىنى قاتتى. ولار مينيسترگە ءمىن بولارلىق سالماقتى سەبەپ تابامىز دەپ قۇلشىنىپ وتىر. ول ءۇشىن مەملەكەتتىك باعدارلاما بويىنشا سالىنعان اۋرۋحانالاردى اداقتاپ، قۇرال-جابدىق ساتىپ الۋعا ارنالعان تەندەرلەردى تەرگەپ، قارجى-قاراجاتقا قاتىستى قانداي دا ءبىر كەمشىلىك تابامىز دەپ ۋادەگە بەرگىسىز سوزدەرىن ايتتى. جەمقورلىقپەن كۇرەسىپ جۇرگەن جىگىتتەردىڭ ءجىتى نازارىنا تۇسكەن جاكەڭنىڭ جايى ەندى شىنىمەن دە قيىن بولار. سوتتىڭ ونى تۇتقىنداۋعا سانكتسيا بەرمەي قويۋى قارجى پوليتسياسىنىڭ قاتتى قىتىعىنا تيگەن سەكىلدى. ولار جاقسىلىق دوسقاليەۆ كاناداعا قاشۋ ءۇشىن ۆيزا اشتىرىپ قويعانىن جار سالا جەتكىزدى. بىراق مينيسترلىك وكىلدەرى ونىڭ ۆيزانى ءىس-ساپارعا شىعۋ ءۇشىن اشتىرعانىن ايتىپ وتىر.
جاقسىلىق دوسقاليەۆ ينسۋلت بولىپ جارتى دەنەسى جانسىزدانىپ قالىپتى دەگەن حابار بار. ونىڭ ادام بولىپ كەتۋى ەندى باعىنىشتىلارىنىڭ بابىنا، ءوزىنىڭ باعىنا بايلانىستى بولماق. ءبىز زايىرلى قوعامدا ءومىر ءسۇرىپ جاتقاندىقتان كىمنىڭ اق، كىمنىڭ قارا ەكەنىن سوتتىڭ شەشىمىنە دەيىن ايتاپ المايمىز. بىراق بولجام جاساۋعا قۇقىعىمىز بار. ءبىزدىڭ ويىمىزشا بۇنىڭ ساياسي ءمانى كۇشتىرەك سەكىلدى. سوندىقتان، مينيستر مىرزانىڭ دەنساۋلىعى تۇزەلگەنىمەن، بوستاندىعى كۇزەلەتىنى ءسوزسىز.
تەك وكىنىشتىسى، وسىنىڭ ءبارى ونسىز دا «قۇرت اۋرۋىنان» وكپەسى ءوشىپ، جۇرەك-تامىر اۋرۋلارى جاستارعا كوشىپ، ايەلدەر مەن سابيلەردىڭ ءولىمى جيىلەپ، ءتۇرلى تۇماۋ تۇينەپ، اۋرۋ-سىرقاۋى اسقىنىپ تۇرعان قوعامىمىزدىڭ دەنساۋلىق سالاسى تاياۋ كۇندەرى ەڭسەسىن كوتەرە المايتىنىن ايتىپ تۇرعانداي.

اباي اقپارات