وتكەن اپتادا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جەمقورلىق تاۋەكەلدەرىن تالداۋ جانە انىقتاۋ باسقارماسىنىڭ مەملەكەتتىك قىزمەتكەرلەرگە قويىلاتىن تالاپتاردىڭ كۇشەيۋى جونىندە، اسىرەسە، شەتەلدىك ماگيستراتۋرا دەڭگەيىن تالاپ ەتۋ مالىمدەمەسى - بۇگىنگى مەملەكەتتىك اپپاراتتىڭ كاسىبي دەڭگەيىن جوعارىلاتۋعا باعىتتالعان ءىس-شارالاردىڭ ءبىرى بولىپ تابىلادى.

الايدا، بۇقارالىق اقپارات قۇرالدارىندا، اسىرەسە قازاقتىلدى مەديا-رەسۋرستاردا بۇل تالاپ دۇرىس ءتۇسىندىرىلىپ، ءارى دۇرىس دەڭگەيدە باعالانبادى. نەگىزىنەن، قازاقتىلدى ءباسپاسوزدىڭ پىكىرىنشە شەتەلدىك ءبىلىم يدەياسىنا قاتىستى ءبىر جاقتى باعا بەرۋ مەن اسىرا سىلتەۋ بايقالدى.

مەملەكەتتىك قىزمەتتە شەتەلدىك ماگيستراتۋرا تالابىنىڭ ەنگىزىلۋىن ەندى بۇدان بىلاي بارلىق مەملەكەتتىك قىزمەتكە تەك شەتەلدىك ءبىلىمى بارلار عانا الىنادى ەكەن دەپ ءتۇسىنۋدىڭ قاجەتى جوق. بۇل ەڭ الدىمەن تەحنولوگيا، يننوۆاتسيا، ينۆەستيتسيا، بيزنەس-جوبالار ماسەلەلەرىمەن اينالىساتىن مەملەكەتتىك ورگانداردىڭ كەيبىر قۇرىلىمدارىنا قاتىستى تالاپ.

جالپى، مەملەكەتتىك قىزمەتكەرلەرگە قويىلاتىن تالاپتاردىڭ كۇشەيتىلۋى ناۋرىز ايىندا ەلباسى اتاپ وتكەن بەس ينستيتۋتسيونالدىق رەفورمالاردىڭ ءبىرى - قازىرگى زامانعى، كاسىبي جانە اۆتونوميالى مەملەكەتتىك اپپاراتتى قالىپتاستىرۋ يدەياسىمەن تىكەلەي بايلانىستى.

بۇل تالاپتىڭ ەنگىزىلۋى مىناداي جاعىمدى ۇردىستەرگە اكەلەدى:

بىرىنشىدەن، مەملەكەتتىك باعدارلامالار مەن جوبالاردى جۇزەگە اسىرۋ بارىسىندا مەملەكەتتىك قىزمەت كورسەتۋ ساپاسىن ارتتىرادى;

ەكىنشىدەن، قوعامدا مەريتوكراتيا، ياعني، نەعۇرلىم قابىلەتتى ۇمىتكەرلەردى ىرىكتەپ، الەۋمەتتىك شىعۋ تەگىنە جانە قارجىلىق اۋقاتتىلىعىنا قاراماستان باسقارۋشى ورىنداردا ەڭ قابىلەتتى ادامداردىڭ يەلەنۋىن قامتاماسىز ەتەدى;

ۇشىنشىدەن، جەكە تۇلعالىق جەتىستىكتەرى ارقىلى مەملەكەتتىك قىزمەتكە كەلگەن كاسىبي دايارلىعى جوعارى ماماندار جۇمىسقا تۇرىپ، ىستەي الادى. ال، مۇنىڭ ناتيجەسى مەملەكەتتىك قىزمەتتىڭ بەدەلىن ارتتىرۋعا  ۇلاسادى.

الۋا جولدىبالينا، ساياساتتانۋشى.

Abai.kz