مەملەكەتتىك سىيلىق جۇمەكەن مەن شامشىگە بەرىلدى
قالامگەرلەردىڭ اراسىندا قىپ-قىزىل داۋعا سەبەپشى بولعان مەملەكەتتىك سىيلىقتىڭ شەشۋشى وتىرىسى ءوتىپ، يەگەرلەر دە انىقتالدى. ءسويتىپ، ادەبيەت سالاسى بويىنشا مەملەكەتتىك سىيلىق جۇمەكەن ناجىمەدەنوۆكە، مۋزىكا بويىنشا ءشامشى قالداياقوۆقا بەرىلدى. اتاقتى اقىن مەن ايگىلى كومپوزيتورعا بەرىلگەن مەملەكەتتىك سىيلىق ابدەن لايىق ەكەنى انىق.
بىراق، وسى اتاۋلى سىيلىق ءۇشىن الاشاپقىن بولىپ، ەسىلدىڭ سول جاعالاۋمەن وڭ جاعالاۋىنىڭ اراسىن شاڭ قىلىپ، استاناداعى كەيبىر تەلەفوندارعا مازا بەرمەگەن اقىن-جازۋشى اعالارىمىزعا وبال بولدى. ولاردى دا تالانتتى دەيدى وسى جۇرت. مەملەكەتتىك ءانۇراننىڭ ادامعا، اللاعا دا ايان اۆتورلارى مەملەكەتتىك سىيلىققا ۇسىنىلىپ جاتىر دەگەندە، ءباسپاسوزدىڭ بەتىن كولدەي تارتىستى ماقالالار جاۋىپ كەتكەن ەدى. سول تارتىس كەزىندە بىرەۋلەر ەسىلدىڭ سول جاعىنا ىعىسىپ، بىرەۋلەر وڭ جاعىنا قيسايىپ، ەندى بىرەۋلەر جارعىنى العا تارتىپ قىرىلىپ قالا جازداعان. امال نە، ەتكەن ەڭبەك زايا كەتتى.
بۇل جاڭالىق بىزگە ادەتتەگىدەي كورىنگەنىمەن، مەملەكەتتىك سىيلىقتان دامەلى قالامگەرلەر ءۇشىن ۇلكەن سوققى بولاتىنى بەلگىلى. مەملەكەتتىك سىيلىقتان مەسەلى قايتقان اقىن-جازۋشىلارعا سىيلىق ءۇشىن ەمەس، وقىرمان ءۇشىن تالاسىڭىزدار، ويتكەنى، ەڭ ساۋاپتى ءارى قايىرلى سونىمەن بىرگە ماڭگى سىيلىق سول بولماق.
ايتپاقشى، بولاشاقتاعى مەملەكەتتىك سىيلىق كومميسياسىنىڭ ەسىنە مەملەكەتتىك ءانۇراننىڭ ءۇشىنشى اۆتورى بار ەكەنىن سالىپ قويايىق...
«اباي-اقپارات»
قالامگەرلەردىڭ اراسىندا قىپ-قىزىل داۋعا سەبەپشى بولعان مەملەكەتتىك سىيلىقتىڭ شەشۋشى وتىرىسى ءوتىپ، يەگەرلەر دە انىقتالدى. ءسويتىپ، ادەبيەت سالاسى بويىنشا مەملەكەتتىك سىيلىق جۇمەكەن ناجىمەدەنوۆكە، مۋزىكا بويىنشا ءشامشى قالداياقوۆقا بەرىلدى. اتاقتى اقىن مەن ايگىلى كومپوزيتورعا بەرىلگەن مەملەكەتتىك سىيلىق ابدەن لايىق ەكەنى انىق.
بىراق، وسى اتاۋلى سىيلىق ءۇشىن الاشاپقىن بولىپ، ەسىلدىڭ سول جاعالاۋمەن وڭ جاعالاۋىنىڭ اراسىن شاڭ قىلىپ، استاناداعى كەيبىر تەلەفوندارعا مازا بەرمەگەن اقىن-جازۋشى اعالارىمىزعا وبال بولدى. ولاردى دا تالانتتى دەيدى وسى جۇرت. مەملەكەتتىك ءانۇراننىڭ ادامعا، اللاعا دا ايان اۆتورلارى مەملەكەتتىك سىيلىققا ۇسىنىلىپ جاتىر دەگەندە، ءباسپاسوزدىڭ بەتىن كولدەي تارتىستى ماقالالار جاۋىپ كەتكەن ەدى. سول تارتىس كەزىندە بىرەۋلەر ەسىلدىڭ سول جاعىنا ىعىسىپ، بىرەۋلەر وڭ جاعىنا قيسايىپ، ەندى بىرەۋلەر جارعىنى العا تارتىپ قىرىلىپ قالا جازداعان. امال نە، ەتكەن ەڭبەك زايا كەتتى.
بۇل جاڭالىق بىزگە ادەتتەگىدەي كورىنگەنىمەن، مەملەكەتتىك سىيلىقتان دامەلى قالامگەرلەر ءۇشىن ۇلكەن سوققى بولاتىنى بەلگىلى. مەملەكەتتىك سىيلىقتان مەسەلى قايتقان اقىن-جازۋشىلارعا سىيلىق ءۇشىن ەمەس، وقىرمان ءۇشىن تالاسىڭىزدار، ويتكەنى، ەڭ ساۋاپتى ءارى قايىرلى سونىمەن بىرگە ماڭگى سىيلىق سول بولماق.
ايتپاقشى، بولاشاقتاعى مەملەكەتتىك سىيلىق كومميسياسىنىڭ ەسىنە مەملەكەتتىك ءانۇراننىڭ ءۇشىنشى اۆتورى بار ەكەنىن سالىپ قويايىق...
«اباي-اقپارات»
