تەلەارنا دەرەككوزىنىڭ مالىمەتى بويىنشا، تۇپكىلىكتى شەشىم ءالى قابىلدانعان جوق، پرەزيدەنت جاعدايدى امەريكالىق قورعانىس مينيسترلىگىمەن تالقىلاپ جاتىر. وسىنداي كەلىسسوزدەر تۋرالى Reuters اگەنتتىگى دە حابارلادى.

سارسەنبى كۇنى ترامپ سيريالىق يدليب پروۆينتسياسىنىڭ حان-شەيحۋن قالاسىنداعى حيميالىق شابۋىلدى "جانتۇرشىگەرلىك وقيعا" دەپ سيپاتتاپ، وعان "دۇرىستاپ جاۋاپ بەرۋ كەرەكتىگىن" مالىمدەدى. پرەزيدەنت اكىمشىلىگى سيرياعا قاتىستى ساياساتىن وزگەرتە مە دەگەن ساۋالعا ترام: "وزدەرىڭىز كورەسىزدەر", - دەپ جاۋاپ بەرگەن.

بۇۇ قاۋىپسىزدىك كەڭەسىندە اقش-تىڭ تۇراقتى وكىلى نيككي حەيلي سيرياداعى جاعداي بويىنشا ورتالىق شەشىم قابىلدانباسا، بىرجاقتى ارەكەت ەتەتىندىگىن مالىمدەدى.

4 ساۋىردە سيريالىق وپپوزيتسيا حان-شەيحۋن قالاسىندا ونداعان ادام قازا تاپقانىن حابارلادى. جەرگىلىكتى دارىگەرلەر جۇيكەنىڭ سالدانۋىن تۋعىزاتىن گاز قولدانعان بولۋى كەرەك دەدى. بۇلىكشىلەر، اقش جانە بىرقاتار باتىس ەلدەرى حيميالىق شابۋىلدى سيريا پرەزيدەنتى باشار اسادتىڭ كۇشتەرى جاسادى دەپ وتىر. داماسك بۇل ايىپتاۋلاردى جوققا شىعاردى.

Abai.kz