«مير» تەلەكانالى ءجۋرناليسىنىڭ ۇقشۇ مەن ناتو اراسىندا ۇقساستىق بار ما دەگەن سۇراعىنا، قازاقستان پرەزيدەنتى ۇيىمداردىڭ قىزمەتىندە «ەشقانداي ۇقساستىق جوق» دەپ جاۋاپ بەردى.

«ناتو قىرعي-قاباق سوعىس كەزىندە يدەولوگيالىق قارسى تۇرۋ ءۇشىن قۇرىلعان. وكىنىشكە قاراي، بۇل ءالى وزگەرمەدى. بۇعان ۇجىمدىق ۆارشاۆا كەلىسىمى قارسى بولعان. بۇل ساياسي قارسى تۇرۋ بولدى. بىزدە مۇنداي ماقسات جوق. ۇقشۇ ساياسيلانۋعا قارسى. بۇل ءبىزدىڭ ايماقتىق پروبلەمامىزدى شەشەدى. ۇقشۇ ايماقتىق ماسەلەنى ۇجىمداسقان تۇردە شەشۋ ءۇشىن عانا قۇرىلعان. قازاقستان بۇل ۇيىمنىڭ ساياسيلانۋىنا قارسى. ۇيىمعا مۇشە وزگە ەلدەر دە سولاي ويلايدى دەپ ەسەپتەيمىن»، - دەيدى نازارباەۆ.

نۇرسۇلتان نازارباەۆ سۇحبات بارىسىندا بيلىك جوق جەردە تەرروريزم پايدا بولاتىنىن ايتقان. «تەرروريستەر، ەكسترەميستەر، بانديتتەر بيلىك جوق جەردە پايدا بولادى. ولارعا سول جەرلەردە تۇرۋ ىڭعايلى. يراكتىڭ، سيريانىڭ ۇلتاراقتاي جەرلەرىن باسىپ الىپ، "يسلام مەملەكەتىمىز" دەدى. تەرروريزم بۇكىل الەمگە تاراپ جاتىر»، - دەپ مالىمدەدى نازارباەۆ. ول ەلدەردى تەرروريزمگە بىرىگىپ، قارسى تۇرۋعا شاقىردى.

ۇجىمدىق قاۋىپسىزدىك شارت ۇيىمىنا ارمەنيا، بەلارۋس، قازاقستان، قىرعىزستان، رەسەي جانە تاجىكستان ەلدەرى مۇشە.

Abai.kz