قازاقتاردى تەررورلىق توپقا تارتقان دەگەن كۇدىكپەن التى ادامدى ىزدەستىرىپ جاتىر
قاراعاندى وبلىسىنىڭ پوليتسياسى التى ادامدى تەررورلىق توپقا تارتۋمەن اينالىسقان دەگەن كۇدىكپەن ىزدەستىرىپ جاتىر.
ايماق پوليتسياسى 23-33 جاس ارالىعىنداعى التى ادامنىڭ ەسىمدەرى مەن سۋرەتتەرىن جاريالادى. قىلمىستىق توپتى 24 جاستاعى داۋلەتحان ءامىرجانوۆ پەن 23 جاستاعى دميتري كوسترۋب باسقارادى دەلىنگەن.
پوليتسيا مالىمەتى بويىنشا، ىزدەۋدەگىلەردىڭ بارلىعى ءبىراز ۋاقىت تەمىرتاۋ قالاسىندا تۇرعان.
وبلىستىق پوليتسيا مالىمەتىنە قاراعاندا، بۇلارعا قاتىستى "تەررورلىق توپ قۇرۋ، باسقارۋ" جانە "كىسى تارتۋ" فاكتىلەرى بويىنشا قىلمىستىق ءىس قوزعالعان. ءىستى تەمىرتاۋ قالالىق پوليتسياسى جۇرگىزەدى، دەپ حابارلادى قاراعاندى ىشكى ىستەر دەپارتامەنتىنىڭ ءباسپاسوز قىزمەتى.
اباي-اقپارات
