«ورىسسىز قازاق مەمەلەكەت بولا المايدى، كۇنىن كورە المايدى»، - دەپ الا بۇلىككە باستايتىن الاپەس سوزبەن اينالاسىن بىلىقتىرىپ جۇرگەن  قازاقستان حالقى اسسامبلەياسى توراعاسىنىڭ ورىنباسارى يۋري زاحاروۆقا قاتىستى قىلمىستىق ءىس قوزعالدى.
الماتى قالاسىنداعى بوستاندىق اۋدانىنىڭ سوتىندا بوستان (ازات، ەركىن) قوعامعا تىم ەركەلەپ كەتكەن ءزاھاردىڭ  زاحاروۆتىڭ ءىسى قر قك 129 بابى بويىنشا قارالىپ، «كوپشىلىك الدىندا عايبات ءسوز تاراتتى» دەگەن ايىبى انىقتالدى.
زاحاروۆتىڭ ءزاھارلى (ارام) سوزىنە كوپ قازاق شۋلاپ-شۇرقىرىپ قانا قويعان ەدىك، قىزىق قىلعاندا تەنتەكتى تىيۋدىڭ جولىن بىزگە كازاك كورسەتتى. اتامان ۆلاديمير وۆسياننيكوۆ. ارينە، ءبىزدىڭ ەلدىڭ زاڭى بويىنشا بۇل ازامات قانداي دا ءبىر اسكەري جاساقتىڭ باسشىسى بولىپ تابىلمايدى، بىراق ايتەۋىر، قازاقستاندا قالعان-قۇتقان كازاك اتاۋلىعا اتامان اتانىپ جۇرگەن وۆسياننيكوۆ اۋزى بۇزىق يۋري زاحاروۆتى سوتقا بەرىپتى. سوتقا بەرەتىن سەبەبى، 2009 جىلدىڭ 6-ماۋسىمىندا وتكەن كازاكتاردىڭ كەڭەسىندە يۋري زاحاروۆ ۆلاديمير وۆسياننيكوۆ تۋرالى جۇرتتىڭ كوزىنشە «جىمقىرىلعان قاراجتتى ودان سۇراۋعا مەن مىندەتتى ەمەسپىن» دەپ قويىپ قالعان كورىنەدى. سودان بەرى اتامانمەن الا كوز بولىپ جۇرگەن زاحاروۆ اقىرىندا بوستاندىق اۋدانىنىڭ سوتىنان ءبىر-اق شىقتى.

«ورىسسىز قازاق مەمەلەكەت بولا المايدى، كۇنىن كورە المايدى»، - دەپ الا بۇلىككە باستايتىن الاپەس سوزبەن اينالاسىن بىلىقتىرىپ جۇرگەن  قازاقستان حالقى اسسامبلەياسى توراعاسىنىڭ ورىنباسارى يۋري زاحاروۆقا قاتىستى قىلمىستىق ءىس قوزعالدى.
الماتى قالاسىنداعى بوستاندىق اۋدانىنىڭ سوتىندا بوستان (ازات، ەركىن) قوعامعا تىم ەركەلەپ كەتكەن ءزاھاردىڭ  زاحاروۆتىڭ ءىسى قر قك 129 بابى بويىنشا قارالىپ، «كوپشىلىك الدىندا عايبات ءسوز تاراتتى» دەگەن ايىبى انىقتالدى.
زاحاروۆتىڭ ءزاھارلى (ارام) سوزىنە كوپ قازاق شۋلاپ-شۇرقىرىپ قانا قويعان ەدىك، قىزىق قىلعاندا تەنتەكتى تىيۋدىڭ جولىن بىزگە كازاك كورسەتتى. اتامان ۆلاديمير وۆسياننيكوۆ. ارينە، ءبىزدىڭ ەلدىڭ زاڭى بويىنشا بۇل ازامات قانداي دا ءبىر اسكەري جاساقتىڭ باسشىسى بولىپ تابىلمايدى، بىراق ايتەۋىر، قازاقستاندا قالعان-قۇتقان كازاك اتاۋلىعا اتامان اتانىپ جۇرگەن وۆسياننيكوۆ اۋزى بۇزىق يۋري زاحاروۆتى سوتقا بەرىپتى. سوتقا بەرەتىن سەبەبى، 2009 جىلدىڭ 6-ماۋسىمىندا وتكەن كازاكتاردىڭ كەڭەسىندە يۋري زاحاروۆ ۆلاديمير وۆسياننيكوۆ تۋرالى جۇرتتىڭ كوزىنشە «جىمقىرىلعان قاراجتتى ودان سۇراۋعا مەن مىندەتتى ەمەسپىن» دەپ قويىپ قالعان كورىنەدى. سودان بەرى اتامانمەن الا كوز بولىپ جۇرگەن زاحاروۆ اقىرىندا بوستاندىق اۋدانىنىڭ سوتىنان ءبىر-اق شىقتى.
ەرتەرەكتە ەدىل مەن جايىققا، جەتىسۋعا كەلىپ قونىس تەۋىپ، تامىر جايىپ قالعان كازاكتاردىڭ بۇگىنگى ۇرپاعى ءوز ورتالارىنان شىققان «شيقاندى»، ياعني، زاحاروۆتى، قازاقستان حالقى اسسامبلەياسىنان دا الاستاۋ كەرەك دەپ ەلباسىنىڭ اتىنا حات جولداپ تا ۇلگەردى. ايتپاقشى، زاحاروۆ سوت قىزمەتكەرلەرىن «بيلىك ماعان جوعارىدان، جاراتۋشىدان بەرىلگەن»، «بىلە بىلسەڭدەر مەن نازارباەۆتىڭ ورىنباسارمىن» دەگەن سوزدەرمەن ومىراۋلاپ قورقىتىپ-ۇركىتۋمەن بولىپتى. زاحاروۆتىڭ سولاي دەگەنىن حاتقا قول قويعان كازاكتار مەن وزگە دە ۇيىمداردىڭ جەتەكشىلەرى ايتىپ وتىر.

«اباي-اقپارات»