ورتيكوۆتىڭ ءوزى دە كىنالى ەمەستىگىن مالىمدەدى. پوليتسيا ۇستاعانعا دەيىن ول اسپاز بولىپ ىستەگەن.

تاجىك ازاماتى 6 ساۋىردە ماسكەۋدە ۇستالدى. تەرگەۋشىلەر ونىڭ پاتەرىن ءتىنتۋ كەزىندە تاپانشا، ەكى تروتيل قۇتىسى جانە گراناتا تابىلعانىن حابارلادى. قازىر ورتيكوۆ تەرروريزم جانە قارۋ-جاراقتى زاڭسىز ساقتاۋ قىلمىستارىمەن قاماۋدا وتىر.

3 ساۋىردە پەتەربۋرگ مەتروسىندا جارىلىس بولىپ، 14 ادام قازا تاپتى، 50-گە جۋىعى جارالاندى. شابۋىل جاۋاپكەرشىلىگىن ەشقانداي تەررورلىق توپ موينىنا العان جوق. تەرگەۋ نۇسقاسى بويىنشا، جارىلىستى 22 جاستاعى قىرعىزستان تۋماسى، رەسەي ازاماتى اكبارجون جاليلوۆ جاساعان. تەراكتىنى ابرور ازيموۆ ۇيىمداستىردى دەپ ەسەپتەيدى رەسەيلىك قۇقىققورعاۋ ورگاندارى. ازيموۆتىڭ ءوزى بۇل ايىپتاردى جوققا شىعاردى. قازىر ول تەرگەۋ اباقتىسىندا وتىر.

پەتەربۋرگتەگى تەراكتىگە قاتىستى ءىس بويىنشا بارلىعى 10 ادام ۇستالدى.

اباي-اقپارات