بۇل تۋرالى «نۇر وتاننىڭ» پارتيالىق تىڭداۋىندا بەلگىلى بولدى.  بۇل   ىس-شارا بيىلعى جىلى باستاۋ العان ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنا ارنالدى.

جاپپاي جۇمىسقا ورنالاستىرۋدى ەڭ الدىمەن ءىرى مەملەكەتتىك جانە سالالىق جوبالاردى ىسكە اسىرۋ، جاڭا كاسىپورىنداردىڭ قۇرىلىسى، حالىق تىعىز ورنالاسقان وڭىرلەردىڭ ازاماتتارىن قونىس اۋدارۋ، سونداي-اق كاسىبىن جاڭا باستاعان بيزنەسمەندەرگە شاعىن نەسيە بەرۋ ەسەبىنەن قامتاماسىز ەتۋ جوسپارلانىپ وتىر.

وتىرىستا «نۇر وتان» پارتياسى توراعاسىنىڭ ءبىرىنشى ورىنباسارى جاڭا باعدارلاما جۇمىس قولىنىڭ جەتىسپەۋشىلىگى ماسەلەسىن شەشۋى ءتيىس ەكەنىن اتاپ ءوتتى.

«وتكەن جىلى عانا ەڭ الدىمەن كورشى ەلدەردەن تابىس تابۋ ءۇشىن ميلليونداعان شەتەلدىكتەر كەلدى. بۇل ءبىزدىڭ رەسپۋبليكامىزدا 445 مىڭ جۇمىسسىزدىڭ تىركەلگەنىنە قاراماستان. وتە وعاش جاعداي. ەگەر بۇل پروبلەمانى شەشە الساق، بىزدە مۇنداي جۇمىسسىزدىق ماسەلەسى مۇلدە بولمايدى»، - دەپ اتاپ ءوتتى مۇحتار قۇل-مۇحاممەد.

Abai.kz