سەنبى, 18 قاڭتار 2020
4347 9 پىكىر 28 ءساۋىر, 2017 ساعات 12:03

قىتاي بيلىگى بالاعا مۇسىلمان ەسىمدەرىن بەرۋگە تىيىم سالدى

قىتايدىڭ شىڭجاڭ پروۆينتسياسىنىڭ بيلىگى جاڭا تۋعان نارەستەلەرگە ءدىني ماعىنا بەرەتىن ەسىمدەر بەرۋگە تىيىم سالدى. ونداعان ەسىم قارا تىزىمگە ەنگىزىلگەن، - دەپ حابارلايدى اباي-اقپارات.

25 ساۋىردە ازات ازيا راديوسى ەفيرىندە سويلەگەن شىڭجاڭ اكىمشىلىگىنىڭ رەسمي وكىلى وسىنداي تىيىم بارىن راستادى. ونىڭ ايتۋىنشا، يسلام، قۇران، مەككە، جيحاد، يمام، ساددام، قاجى جانە مەدينا ەسىمدەرىنە قىتاي بيلىگىندەگى كوممۋنيستىك پارتيا تىيىم سالعان. ءۇرىمشى پوليتسياسى وكىلىنىڭ حابارلاۋىنشا، وسىنداي ەسىمى بار بالالار مەملەكەتتىك تىركەۋدەن الىپ تاستالىنادى. تىركەۋدە جوق بالا ءبىلىم بەرۋ جانە دەنساۋلىق مەكەمەلەرىنە بارا المايدى.

مۇنداي ەرەجە يسلام ءدىنىن ۇستاناتىن ەتنيكالىق توپتارعا ارنالىپ شىعارىلعان. قىتايدا 10 ميلليون ۇيعىر، 1,5 ميلليوننان استام قازاق، شامامەن 150 مىڭ قىرعىز، بەس مىڭ تاتار، ءتورت مىڭ تاجىك جانە مىڭعا جۋىق دۇنعان تۇرادى.

ۇيعىرلار ۇزاق جىلدار بويى قىتاي ۇكىمەتىنىڭ قىسىمىنا شاعىمدانىپ كەلەدى. ءبيلىڭ باسىنداعى قىتاي كوممۋنيستىك پارتياسى تىنىشسىز اۋدانداردى قاتاڭ باقىلاۋدا ۇستاپ وتىر.

Abai.kz

9 پىكىر