بەيسەنبى, 8 جەلتوقسان 2022
الاڭ 5409 10 پىكىر 5 مامىر, 2017 ساعات 13:04

ەلدى الداعانى ما، ەلباسىنى الداعانى ما؟

زاڭعا جاۋاپتى مينيستر زاڭدى بۇزىپ وتىرا بەرە مە؟

مەملەكەتتىك  قىزمەتكەرلەرى مەملەكەتتىك تىلدە سويلەمەيتىن  الەمدەگى جالعىز ەل – قازاقستاندا تاعى ءبىر بىلدەي مينيستر قازاقشا سويلەي الماي، «ءبىر جىلدا ۇيرەنىپ الامىن عوي» دەپ قۇتىلدى…  مينيستر بولعاندا دا اناۋ-مىناۋ ەمەس، زاڭعا جاۋاپ بەرەتىن ادىلەت ءمينيسترى! ءيا، سول، بىردەن ءبىلدىڭىز، رولگە ءىشىپ الىپ وتىرىپ، ىشكى ىستەردىڭ قولىنا ءتۇسىپ، ءباسپاسوزدى شۋلاتقان مارات بەكەتاەۆ!

ەسىمىزگە ءتۇسىپ وتىر،  2004 جىلى پارلامەنت سايلاۋى بىتكەسىن، سول كەزدەگى سايلاۋ كوميسسياسىنىڭ ءتورايىمى زاعيپا باليەۆا  ادىلەت ءمينيسترى بولىپ كەتكەندە جازعان: «ادىلەتسىز سايلاۋ وتكىزسەڭ - ادىلەت ءمينيسترى بولاسىڭ» دەگەن ءسوزىمىز  ماتەلگە اينالىپ كەتىپ ەدى…  وتكەندە دە  مارات بەكەتاەۆ ادىلەت ءمينيسترى بولعاندا باسپاسوزدە «ءىشىپ الىپ كولىك باسقارا الماساڭ، ادىلەت مينيسترلىگىن باسقاراسىڭ» دەگەن ءسوز جەلدەي گۋلەپ كەتتى…

سوندا زاڭعا جاۋاپتى مينيستر زاڭدى بۇزىپ وتىر عوي…   زاڭ بولعاندا دا، قازاقستاننىڭ اتا زاڭى – كونستيتۋتسيانىڭ  7- بابى، 1-ءشى  تارماعىن  بۇزىپ قويىپ، جاعاسى جايلاۋدا جايباراقات ەسىپ ءجۇر…

بۇلاردىڭ الدىندا قانشا مينيستر، قانشا اكىم وسىنداي ۋادە بەرگەنىنەن جاڭىلىپ تا قالدىق. وتكەندە ۇلتتىق ەكونوميكا ءمينيسترى، ەندى  ادىلەت ءمينيسترى، ەرتەڭ قاي مينيستر «قازاقشانى ءبىر جىلدا ۇيرەنەمىن» دەپ، قازاقتى الداپ قويىپ، وتىرا بەرەدى؟  

بۇل بۇلاردىڭ  ەلدى الداعانى ما، ەلباسىنى الداعانى ما؟..

ەكس-سىرتقى ىستەر ءمينيسترى ەرلان ىدىرىسوۆ سياقتى: «باسىما وپەراتسيا جاساپ، ميىمدى اۋىستىرماساڭدار، قازاق ءتىلىن ۇيرەنا المايمىن» -دەگەنىنەن گورى «ءبىر جىل بولسا دا،  ۇيرەنەمىنى» دۇرىس قوي دەپ، سوقىر ءۇمىتتىڭ سوڭىندا سالپاقتاپ كەلە جاتقانىمىزعا شيرەك عاسىر بولدى…

قازاقستاندا قازاقشا بىلمەسەڭ – مينيستر بولاسىڭ!..  وزبەكستاندا  وزبەكشە بىلمەسەڭ، اربا دا ايداي المايسىڭ…  وزبەكستاندى  ءوزىمىزدىڭ تۋىسقان،  كورشىلەس باسەكەلەس ەل بولعان سوڭ مىسالعا كەلتىرىپ وتىرمىن.  ايتپەسە، الەمنىڭ بار ەلىندە سول، مەملەكەتتىك ءتىلدى بىلمەسەڭ، مەملەكەتتىك قىزمەتتىڭ ماڭىنا دا جۋي المايسىڭ!  تەك قازاقستاننان باسقا…

ەلباسىمىز ايتقان رۋحاني جاڭعىرۋداعى  ۇلتتىق كودى جوقتار ۇلتتى قالاي جارىلقاماق؟

ۇلتتىق جاڭعىرۋدى مينيسترلەردەن باستاپ، مەملەكەتتىك جاۋاپتى قىزمەتتەرگە رەسەيدىڭ مەملەكەتتىك ءتىلىن ەمەس، قازاقستاننىڭ مەملەكەتتىك ءتىلىن بىلەتىندەردى  الۋدان باستاۋ كەرەك!

قازىبەك يسا

«قازاق ءۇنى» گازەتى

Qazaquni.kz

 

10 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2589
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1670
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1847