سەيسەنبى, 29 قاراشا 2022
3111 0 پىكىر 12 مامىر, 2017 ساعات 10:41

سوتتالعان تۇركىمەندەرگە ازياداعا بارۋعا تىيىم سالىندى

تۇركىمەنستان استاناسىنىڭ پوليتسياسى ءىستى بولعان تۇرعىندارعا ازيادى-2017 ويىندارى وتەتىن كوشەلەرگە جانە اتلەتتەر قالاشىعىنا جاقىنداۋعا تىيىم سالدى. بۇل تۋرالى ازاتتىقتىڭ تۇركىمەن قىزمەتى حابارلادى.

اشحابادتىڭ ءىستى بولعان تۇرعىندارىن پوليتسياعا شاقىرا باستادى. قۇقىققورعاۋ ورگاندارىنىڭ قىزمەتكەرلەرى بۇرىن سوتتالعانداردىڭ ۇيلەرىنە بارىپ، ولاردىڭ قازىر نەمەن شۇعىلدانىپ جۇرگەنىن تەكسەرەدى، دەپ حابارلادى "حرونيكا تۋركمەنيستانا" اقپاراتتىق اگەنتتىگى.

اشحاباد قالاسىنىڭ 52 جاستاعى تۇرعىنىنىڭ ازاتتىق راديوسىنا حابارلاۋىنشا، پوليتسياداعى تەرگەۋدەن سوڭ، ولارعا اتلەت قالاشىعى مەن جارىستار وتەتىن كوشەلەرگە جاقىنداماۋىن ەسكەرتكەن. "ماعان جارىستار ءوتىپ جاتقا ورىندارعا بارۋعا تىيىم سالدى. اتلەتتەر قالاشىعىندا قىلمىس جاسالاتىن بولسا، سۇراۋ بىزدەن بولاتىنىن ەسكەرتتى", - دەدى ول.

حالىقارالىق ۇيىمداردىڭ زەرتتەۋلەرىنە سايكەس، تۇركىمەنستان جان باسىنا شاققاندا ءىستى بولعان تۇرعىندارى كوپ ەلدەردىڭ قاتارىنا جاتادى. امەريكالىق "Prison Policy Initiative" ۇكىمەتتىك ەمەس ۇيىمىنىڭ ەسەبى بويىنشا، تۇركىمەنستان تۇرمەدە وتىرىپ كەلگەن تۇرعىندار ۇلەسى جونىنەن الەمدە ەكىنشى ورىن الدى. حابارلارعا قاراعاندا، رەسپۋبليكادا 100 مىڭ تۇرعىننىڭ 583-ءى تۇرمەدە بولعان.

اباي-اقپارات

0 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1526
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1620
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1777