قازاقستاننىڭ حالىق ءارتىسى تۇڭعىشباي جامانقۇلوۆقا ۇكىم وقىلدى دەپ حابارلايدى اباي-اقپارات.

№2 مەدەۋ اۋداندىق سوتىنىڭ پروكۋرورى تۇڭعىشباي جامانقۇلوۆتى 7 جىل 6 ايعا سوتتاۋدى، بىراق قازاقستان تاۋەلسىزدىگىنىڭ 25 جىلدىعىنا وراي جاريالانعان راقىمشىلىق بويىنشا جازا مەرزىمىن 3 جىل 7 ايعا ازايتۋدى جانە جاسى جەتكەنىن ەسكەرىپ شارتتى جازا كەسۋدى سۇراعان ەدى. سول پروكۋروردىڭ ايتقانى بولدى.

سوتتاعى اقتىق سوزىندە جامانقۇلوۆ ءوزىنىڭ ەشقانداي كىناسى جوق ەكەنىن، بار ويى جاقسى فيلم ءتۇسىرۋ بولعانىن، قارجىلىق ماسەلەمەن مۇلدەم اينالىسپاعانىن، فيلمگە يدەيالىق تۇرعىدا عانا باسشىلىق جاساعانىن ايتتى.  "وسى جەردە وتىرعان مەنىڭ توبىمدا يۋدينادان باسقا ەشكىم مەنى اقشا الدى دەگەن جوق. مەن - اقپىن. ونى ءسىزدىڭ الدىڭىزدا، قۇدايدىڭ الدىندا ايتا الامىن", - دەدى ول.

اباي-اقپارات