ءار 3 جىل سايىن وتىزعا جۋىق جەتكىنشەكتى برازيلياعا وقۋعا جىبەرەتىن ەدىك قوي. 2012 جىلى ءبىر توپ جاس فۋتبولشىلاردى برازيلياعا شىعارىپ سالعاندار قاتارىندا مەن دە بولدىم.

سولاردىڭ ىشىندەگى ءبىر قازاق بالاسىنان سۇحباتتاسىپ، برازيلياداعى الەم چەمپيوناتى كەزىندە ءبىراز اقپارات الىپ وتىرعانىم بار. جاقىندا ويلاماعان جەردەن سول فۋتبولشى تەلەفون شالدى. "ەسىڭىزدە مە، ءسىز مەنەن سۇحبات الىپ ەدىڭىز عوي. مەن ەلگە كەلدىم. بىراق فۋتبولدى قويىپ، باسقا سالاعا كەتىپ قالدىم", - دەيدى.

مەن فۋتبولدى تاستاپ كەتكەنىنە وكىنىش ءبىلدىرىپ، مۇمكىن باسقا سالادا باعى جاناتىنىن ايتىپ ۇلگەرگەنشە ول تاعى ءبىر اقپاراتپەن ءبولىستى. "قازىر مەنىمەن برازيلياعا بارىپ كەلگەن بالالاردىڭ ۇشەۋى عانا دوپ تەۋىپ ءجۇر. ءتىپتى، بىرەۋى "ماقتاارال" كلۋبىندا. قالعاندارى ءوز جولىمەن كەتتى. ەشكىم پرەمەر-ليگا كلۋبتارىندا ويناعان جوق، فۋتبولدى تاستاپ كەتتىك", - دەمەسى بار ما...

وسى كەزدە ولاردى برازيليادا ءۇش جىل وقىتۋ ءۇشىن 312 ملن تەڭگەنىڭ بولىنگەنى ەسىمە ءتۇسىپ، جىلاعىم كەلىپ كەتتى. راسىندا، سول برازيلياعا بارىپ كەلگەن بالالاردىڭ اتى ەندىگى ەستىلەتىندەي بولىپ ەدى عوي... قايدا ءبارى؟! بارلىعى دەرلىك ءوز جونىمەن كەتسە، اقشا جەلگە ۇشتى دەسەڭىزشى... ال بۇل اقشانىڭ ەسەبىن كىم بەرەدى؟!

اقىرىس سەيىتقازى

Facebook-تەگى پاراقشاسىنان