قاراعاندى وبلىستىق تۋريزم، دەنە تاربيەسى جانە سپورت باسقارماسىندا ال­قا ءماجىلىسى ءوتىپ، وندا اعىمداعى تو­عىز ايدىڭ قورىتىندىسى ەگجەي-تەگ­جەيلى ءسوز بولدى. نەگىزگى بايان­دامانى باسقارما باستىعىنىڭ ورىن­باسارى تاستانبەك ەسەنتاەۆ جا­سادى. القا ماجىلىسىنە وبلىستاعى سپورت مەكتەپتەرىنىڭ ديرەكتورلارى، اۋ­دان­­دارداعى سپورت بولىمدەرىنىڭ باس­شى­لارى، جاتتىقتىرۋشىلار مەن ما­ماندار قاتىستى.
- توعىز ايدىڭ ىشىندە اۋىز تول­تىرىپ ايتار تابىسىمىز جوق ەمەس، بار. دەگەنمەن، قول جەتكىزگەن تابىسقا توقمەيىلسىمەي، ءبىرىنشى كەزەكتە بۇگىنگى تاڭدا ءبىزدى تولعاندىرىپ جۇرگەن كو­كەيكەستى ماسەلەلەر مەن الدىمىزعا قويعان مىندەت-جوسپارلاردى ءسوز ەتە­يىك، - دەپ اتاپ ءوتتى ءوڭىر سپورتىنىڭ باسشىسى ەردەن حاليلين.
ءيا، توعىز ايدىڭ ىشىندەگى جەتىس­تىكتەردى جىپكە تىزەر بولساق، اجەپتاۋىر ءتىزىم تۇزىلەدى. دەسە دە، سونىڭ ىشىندەگى ەل تۇگىلى، الەمنىڭ ءوزى نازار اۋدارعان ەلەۋلىلەرىنە توقتالا كەتەيىك...
بيىل قىستا جەلاياق قىزىمىز ەكا­تەرينا ايدوۆا گەرمانيادا جاس­وسپىرىمدەر اراسىندا وتكەن الەم كۋ­بوگى جارىسىندا التىن جۇلدەنى جەڭىپ الدى. سونداي-اق، ول ماسكەۋدە وتكەن الەم چەمپيوناتىندا دا الدىنا سالماي، چەمپيون اتانعان بولاتىن.

قاراعاندى وبلىستىق تۋريزم، دەنە تاربيەسى جانە سپورت باسقارماسىندا ال­قا ءماجىلىسى ءوتىپ، وندا اعىمداعى تو­عىز ايدىڭ قورىتىندىسى ەگجەي-تەگ­جەيلى ءسوز بولدى. نەگىزگى بايان­دامانى باسقارما باستىعىنىڭ ورىن­باسارى تاستانبەك ەسەنتاەۆ جا­سادى. القا ماجىلىسىنە وبلىستاعى سپورت مەكتەپتەرىنىڭ ديرەكتورلارى، اۋ­دان­­دارداعى سپورت بولىمدەرىنىڭ باس­شى­لارى، جاتتىقتىرۋشىلار مەن ما­ماندار قاتىستى.
- توعىز ايدىڭ ىشىندە اۋىز تول­تىرىپ ايتار تابىسىمىز جوق ەمەس، بار. دەگەنمەن، قول جەتكىزگەن تابىسقا توقمەيىلسىمەي، ءبىرىنشى كەزەكتە بۇگىنگى تاڭدا ءبىزدى تولعاندىرىپ جۇرگەن كو­كەيكەستى ماسەلەلەر مەن الدىمىزعا قويعان مىندەت-جوسپارلاردى ءسوز ەتە­يىك، - دەپ اتاپ ءوتتى ءوڭىر سپورتىنىڭ باسشىسى ەردەن حاليلين.
ءيا، توعىز ايدىڭ ىشىندەگى جەتىس­تىكتەردى جىپكە تىزەر بولساق، اجەپتاۋىر ءتىزىم تۇزىلەدى. دەسە دە، سونىڭ ىشىندەگى ەل تۇگىلى، الەمنىڭ ءوزى نازار اۋدارعان ەلەۋلىلەرىنە توقتالا كەتەيىك...
بيىل قىستا جەلاياق قىزىمىز ەكا­تەرينا ايدوۆا گەرمانيادا جاس­وسپىرىمدەر اراسىندا وتكەن الەم كۋ­بوگى جارىسىندا التىن جۇلدەنى جەڭىپ الدى. سونداي-اق، ول ماسكەۋدە وتكەن الەم چەمپيوناتىندا دا الدىنا سالماي، چەمپيون اتانعان بولاتىن.
قاراجال قالاسىنىڭ قىرانى قاي­رات اعىباەۆ سينگاپۋردە وتكەن جاسوسپىرىمدەردىڭ وليمپيادالىق وي­ىن­دارىندا توپ جاردى. جەرلەس دزيۋ­دوشى، الەم چەمپيونى ماكسيم راكوۆ الماتىدا وتكەن الەم كۋبوگى جولىنداعى جارىستا 100 كەلى سالماق دارەجەسىندە قارسىلاستارىن تۇگەل جىعىپ، ءوزىنىڭ مىقتىلىعىن تاعى ءبىر مارتە دالەلدەدى.
ءدال وسى مەزگىلدە، ياعني، 25-26 قىركۇيەك كۇندەرى سەربيانىڭ اس­تاناسى بەلگرادتا كيكبوكسينگتەن بول­عان جاستار اراسىنداعى الەم چەم­پيوناتىندا قاراعاندىلىقتار ار­سلان مايشىباەۆ، رۋسلان بايازيتوۆ جانە نۇربەك تۇرديەۆ قارسىلاس شاق كەلتىرمەي، التىننان القا تاعىندى. بۇل بىرىنشىلىككە الەمنىڭ 50-دەن استام مەملەكەتىنەن ەكى مىڭعا جۋىق سپورتشى قاتىسقانىن ەسەپكە الساق، ءبىزدىڭ جىگىتتەردىڭ بۇل تابىسىن وتە جوعارى جەتىستىك دەپ باعالاۋعا بولادى.
مۇنىڭ الدىندا پولشانىڭ كار­پاچ دەگەن قالاسىندا كاراتە شوتوكاننان ءحىى الەم چەمپيوناتى ءوتىپ، ءدۇبىرلى دودا قورىتىندىسىندا جەرلەستەرىمىز اناستاسيا يۆەرسكايا، كليم روجدەس­تۆەنسكي، مارسەل ابزالوۆ جانە ۆلاد گەراسكين جەڭىمپاز اتانعان بولاتىن. ال ارداگەرلەر اراسىنداعى سىندا حالىقارالىق دارەجەدەگى سپورت شەبەرى ۆيكتور ەشكينگە ەشكىم جارىتىپ قارسىلاس بولا المادى.
تاياۋدا عانا تبيليسي قالاسىندا بولىپ وتكەن الەم چەمپيوناتىندا شەت اۋدانىنىڭ تۋماسى، سامبوشى ايدىن دارتاەۆ التىن مەدالعا يە بولسا، تاعى ءبىر جەرلەسىمىز جانساي سماعۇلوۆ وسى سىندا قولا جۇلدەنى قاناعات ەتتى.
«ءبىز ارقاشاندا ءوزىمىزدىڭ اتاق­تى سپورتشىلارىمىزعا سەنىم ارتا­مىز. ولارعا كورسەتىلەر قۇرمەت پەن قامقورلىق تا ءوز دارەجەسىندە بو­لۋعا ءتيىس. مىسالى، 2011 جىل­دىڭ بيۋدجەتىندە ءوڭىردىڭ 11 سپورت­شىسىنا ستيپەنديالىق قاراجات قا­راس­تىرىلعان. ياعني، ەلىمىزدىڭ ۇلتتىق قۇراما كوماندالارىنا ءمۇ­شە سپورتشىلارىمىز اي سايىن ور­تاشا ەسەپپەن 70-80 مىڭ تەڭگەدەن جالاقى الىپ تۇراتىن بولادى. ءبى­راق تا، ءبىز بولاشاعىنان مول ءۇمىت كۇت­تىرگەن كەيىنگى تولقىن وكىلدەرىن دە ەستەن شىعارماۋىمىز كەرەك. بالا­لار مەن جاسوسپىرىمدەر سپورتىن دا­مىتپايىنشا، ءبىزدىڭ سپورتتاعى تابىس­تى جولىمىز تىم كەلتە بولادى»، - دەپ اتاپ ءوتتى ەردەن حاليلين.
باسقارما باسشىسى اتاپ ايتقان ماسەلەنىڭ ءبىرى - قاراعاندىنىڭ فۋت­بول كلۋبى «شاحتەردىڭ» بۇگىنگى كۇن­دەگى مۇشكىل ءحالى. فۋتبول الامانى باستالعاندا تىزگىنگە يە بەرمەي شاپقان «شاحتەر» مارەگە تاياپ قالعان تۇستا تاپىراقتادى دا قالدى. ەڭ ماڭىزدى ماتچتاردا قاتارىنان بىرنەشە رەت ۇتىلعان سوڭ، كوماندانىڭ باس باپكەرى ۆلاديمير چەبۋرين قىزمەتىنەن بوسا­تىلدى. الاماننىڭ اياقتالۋىنا از-اق قالعاندا شابىسىنان جاڭىلعان «شاح­تەردىڭ» جاي-كۇيى جانكۇيەر جازعاننىڭ قابىرعاسىنا قاتتى باتقانى انىق. «كو­ماندانىڭ سوڭعى كەزدەگى سۇرەڭسىز ويىنىنا تەرەڭ جانە جان-جاقتى تال­داۋ جاساۋ كەرەك. قالاي بولعان كۇندە، بۇل تىعىرىقتان شىعار جولدى بىرىگىپ ىزدەيتىن بولامىز»، - دەپ ءتۇيدى ءوڭىر سپورتىنىڭ باسشىسى.
العا قويعان جوسپارلار دا ءۇل­كەن جاۋاپكەرشىلىكتەر جۇكتەيدى. ءما­سەلەن، وبلىستىڭ سپورت باسشىلارى الداعى ۋاقىتتا قىتايدىڭ گۋانجوۋ قالاسىندا بولاتىن ءحVى جازعى ازيا ويىندارىندا قاراعاندىلىق سپورت­شىلار ءتورت التىن، ءتورت كۇمىس جانە 14 قولا، بارلىعى 22 مەدال الادى دەپ جوسپارلاپ وتىر. ءتورت التىن دە­گەندە، قاراعاندىلىقتار ونسايىسشى دميتري كارپوۆ، دزيۋدوشى ماكسيم راكوۆ، بوكسشى سەرىك ساپيەۆ، باي­داركا جانە كانوە ەسۋشى ەۆگەني ەگو­روۆقا ءۇمىت ارتادى. «اتالعان ءتورت سپورتشىنىڭ كەيىنگى ۋاقىتتاعى قول جەتكىزگەن ناتيجەلەرى جانە قازىرگى تاڭداعى سپورتتىق دايىندىعى مەن بابى - وسىلاي دەپ باتىل بولجام جا­ساۋعا نەگىز بولدى»، - دەيدى ەردەن بال­تابايۇلى. جالپى، گۋانجوۋداعى ءدۇ­بىرلى دودادا قاراعاندىلىق 36 سپورتشى سپورتتىڭ 11 ءتۇرى بويىنشا ەل نامىسىن قورعاماق.
ءار نارسەنىڭ پارقى سالىستىرعاندا بىلىنەدى: وتكەن حV جازعى ازيا ويىن­دارىندا ونەر كورسەتكەن قازاقستان قۇراما كومانداسىنىڭ ساپىندا قارا­عاندىلىق 36 سپورتشى بولدى. ارقا سپورتشىلارى سول سىندا ەكى التىن، ەكى كۇمىس جانە التى قولا مەدال الىپ، ورتاق تابىسقا سۇبەلى ۇلەس قوسقان بولاتىن. ياعني، بيىلعى مەجە وتكەن جولعىدان ەكى ەسەگە ارتقان...
جالپى، بيىلعى جىل قاراعاندى ءوڭىرىنىڭ سپورتى ءۇشىن بەرەكەلى دە، قۇتتى جىل بولدى. جاڭادان كەلگەن وبلىس اكىمى سەرىك احمەتوۆ ءوڭىر سپورتىنا ەرەكشە كوڭىل ءبولىپ، سونىڭ ناتيجەسىندە ءىرى-ءىرى جوبالار دۇنيەگە كەلىپ، ىسكە اسىرىلا باستادى. مىسالى، قاراعاندى وبلىستىق تۋريزم، دەنە تاربيەسى جانە سپورت باسقارماسىنىڭ 2010 جىلعى بيۋدجەتى 4 ملرد. 678 ملن. 830 مىڭ تەڭگەنى قۇرادى. اعىمداعى توعىز ايدا قارجىلاندىرۋ جوسپارى 3 ملرد. 783 ملن. 172 مىڭ تەڭگەنى قۇ­راپ، بۇگىنگى تاڭدا بۇل قارجى 100 پا­يىز يگەرىلگەن. «جول كارتاسى» باعدارلاماسى بويىنشا وبلىستا 11 سپورت نىسانىنا جالپى سوماسى 1 194,7 ملن. تەڭگەنىڭ جوندەۋى جۇرگىزىلىپ جاتىر.
اعىمداعى جىلدىڭ كوكتەم ايىن­دا وبلىس ورتالىعىندا ءۇش ءبىر­دەي سپورت نىسانىنىڭ قۇرىلىسى باس­تالدى. اللا قالاسا، كەلەسى جىلى مۇز ايدىنى سارايى، بوكس زالى ءجا­نە تەننيس ورتالىعى بوي كوتەرىپ، قا­لا جۇرتشىلىعىنىڭ يگىلىگىنە پايدا­لانۋعا بەرىلۋى ءتيىس. قازىرگى تاڭدا قۇ­رى­لىس جۇمىستارى جوسپار بويىنشا ءجۇرىپ جاتىر. بۇدان بولەك، «جول كار­تاسى» باعدارلاماسى بويىنشا وبلىس ورتالىعىنداعى نۇركەن ءابدىروۆ اتىن­داعى سپورت سارايى كۇردەلى ءجون­دەۋدەن وتكىزىلۋدە. بۇل ماقساتقا بيۋد­جەتتەن 364,5 ملن. تەڭگە قارجى بولىنگەن. قۇرىلىسشىلار جوندەۋدىڭ ال­دىمىزداعى قاراشا ايىندا تولىق­تاي اياقتالىپ، ساۋلەت ەسكەرتكىشى سانا­تىنداعى عيماراتتىڭ پايدالانۋعا بە­رىلەتىندىگىنە سەندىرىپ وتىر. سونداي-اق، تەمىرتاۋ قالاسىندا بەس جىلداي قاڭىراپ بوس تۇرعان «جاستار» ءجۇزۋ باسسەينى دە سمەتالىق قۇنى 499,8 ملن. تەڭگە بولاتىن كۇردەلى جوندەۋدى باستان كەشىپ جاتىر. ءبىر ايتا كەتەتىنى، اتالعان باسسەين ەلىمىزدە تەڭدەسى جوق سپورت نىسانى. كۇردەلى جوندەۋدەن كەيىن «جاستار» ءجۇزۋ باسسەينى الەمدىك ستاندارتتار تالاپتارىنىڭ بارىنە بىردەي جاۋاپ بەرەتىن عيمارات بولماق.
الىستاعى اۋدان، شالعايداعى اۋىل دا نازاردان تىس قالماعان: اقتوعاي اۋدانىنداعى ستاديونعا 60 ملن. تەڭگەنىڭ كۇردەلى جوندەۋى جۇرگىزىلىپ جاتىر. شاعىن قالا قاراجالداعى «گورنياك» ستاديونىنا سمەتالىق قۇنى 37 ملن. تەڭگەدەن اساتىن اعىمداعى جوندەۋ جاسالۋدا. ال وبلىستىڭ شەت اۋدانىندا ورنالاسقان اعادىر كەن­تىندە وسى ءوڭىردىڭ پەرزەنتى، «استانا-مو­تورس» كومپانياسىنىڭ پرەزيدەنتى، بەلگىلى كاسىپكەر نۇرلان سماعۇلوۆ مىرزا كەلەر جىلى سمەتالىق جوباسى 100 ملن. تەڭگە بولاتىن كەشەندى سپورت سارايىن سالۋدى جوسپارلاپ، وب­لىس اكىمىمەن مەموراندۋمعا وتىردى. وبلىس اكىمىنىڭ تاپسىرماسى بويىنشا بيۋدجەتتەن 120 ملن. تەڭگە قارجى ءبو­لىنىپ، بۇقارالىق سپورتتى دامىتۋ ماق­ساتىندا، وبلىستىڭ تۇپكىر-تۇپكىرىندە 17 امبەباپ كورت اشىلدى. امبەباپ دەيتىن سەبەبىمىز - جازدا بۇل كورتتارعا جاساندى كوگال توسەلىپ، ولار ميني-فۋتبول الاڭىنا اينالادى.
مۇنىڭ سىرتىندا، بيىلعى جىلى تەمىرتاۋ قالاسىنداعى وربجسم ەس­كەك ەسۋ سپورتىنىڭ عيماراتى، قاراعان­دىداعى ءا.مولداعۇلوۆا اتىنداعى مەك­تەپ-ينتەرناتتىڭ جاتاقحاناسى، اتا­سۋ كەنتىندەگى بجسم عيماراتى، جەزقازعانداعى وربجسم ەسكەك ەسۋ بازاسىنىڭ ينجەنەرلىك جۇيەسىنە، سون­داي-اق، وساكاروۆكا مەن اقسۋ-ايۋ­لىداعى جانە قارقارالى قالاسىنداعى ستاديوندارعا جۇرگىزىلگەن جوندەۋ جۇ­مىستارى تولىعىمەن اياقتالعان.
«مىنە، وسىنداي اۋقىمدى جۇمىس­تار مەن ءىرى جوبالاردىڭ بۇگىنگى كۇندە ناقتى جۇزەگە اسىپ جاتقانى وبلىس اكىمى سەرىك نىعمەتۇلى احمەتوۆتىڭ سپورتقا دەگەن قامقورلىعىمەن تىكەلەي بايلانىستى»، - دەپ ورىندى اتاپ ءوتتى ءوڭىر سپورتىنىڭ باسشىسى.
جالپى العاندا، وبلىستا بۇقا­رالىق سپورتتى دامىتۋ بارىسىندا وڭ وزگەرىستەر بار ەكەنىن ايتتى سپورت باسشىسى. بۇگىنگى تاڭدا قاراعاندى وبلىسىندا تۇرعىنداردىڭ 24,7 پايىزى بۇقارالىق سپورتقا تارتىلعان ەكەن.
«بالاپاندى كۇزدە سانا» دەمەكشى، جىل سوڭىنا دەيىنگى ەسەپتىك جيىنعا ءالى ءبىرتالاي ۋاقىت بار. اتقارىلار جۇ­مىستار دا شاش-ەتەكتەن. قازىرگى اياق­الىسىمىز جامان ەمەس. دەگەنمەن، ءبىزدىڭ جۇمىسىمىزعا دەگەن قورىتىندى باعانى وبلىسىمىزدىڭ اكىمى، وڭىردەگى سپورتسۇيەر قاۋىمى بەرەدى»، - دەپ قورىتتى القا ءماجىلىسىن وبلىستىق تۋ­ريزم، دەنە تاربيەسى جانە سپورت باس­قارماسىنىڭ باستىعى ەردەن حاليلين.

سەرىك ولجاباي.