"سارمۇرىق*قازىنا" ۇلتتىق ءال-اۋقات قورىنىڭ ومبۋدسمەنى نۇرلان ەرىمبەتوۆ قور قىزمەتكەرلەرى قۇرامىنىڭ حال-احۋال ديناميكاسىن زەرتتەۋ ناتيجەلەرىن جاريا ەتتى..

ونىڭ ايتۋىنشا، قوردا قىزمەتكەرلەردىڭ جانە تۇتاستاي قازاقستاندىقتاردىڭ شىنايى الەۋمەتتىك كوڭىل-كۇيىن كورسەتەتىن الەۋمەتتىك تۇراقتىلىق رەيتينگى جاسالعان. وسى شارا شەڭبەرىندە بۇكىل قازاقستان بويىنشا 40 مىڭعا جۋىق جۇمىسكەر، ياعني قور قىزمەتكەرلەرىنىڭ جالپى سانىنىڭ 15% جاسىرىن جانە قۇپيالىلىعىن ساقتاي وتىرىپ اڭگىمەلەسۋدەن ءوتتى.

«مەن سوڭعى 4 جىل كولەمىندەگى زەرتتەۋلەردىڭ كەيبىر ناتيجەلەرىمەن، اتاپ ايتقاندا جەتىستىكتەرى جانە دابىل قاعاتىن جايتتارىمەن بولىسكىم كەلەدى. قوردىڭ بارلىق دەرلىك كومپانيالارى «ورتاشادان جوعارى» جانە «جوعارى» ءماندى ايماققا ءوتتى، ياعني ولاردىڭ رەيتينگتەرى 64% جوعارى. رەيتينگتىڭ بارلىق قۇرامداس بولىكتەرىنىڭ ءوسۋى، ءبىزدىڭ كاسىپورىندار جۇمىسكەرلەرىنىڭ كوڭىل-كۇيلەرىنە ۇلكەن اسەر ەتەتىن قازاقستان ەكونوميكاسىنىڭ سىن-تەگەۋرىندەرى قور تاراپىنان جەتكىلىكتى دارەجەدە ءساتتى ەڭسەرىلۋدە ەكەنىن كورسەتەدى. رەيتينگتىڭ ءوسۋىنىڭ نەگىزگى درايۆەرى ول – 35% -دان 51% مولشەرىنە دەيىنگى الەۋمەتتىك جانە ەڭبەك قاتىناستارىنىڭ قاناعاتتانۋىن باعالايتىن كورسەتكىش»،- دەدى ەرىمبەتوۆ.

ول قىزمەتكەرلەر مەن جۇمىس بەرۋشىنىڭ اراسىنداعى سەنىم دەڭگەيىن ارتتىرۋ ارقىلى نارازىلىق الەۋەتىنىڭ جىل سايىنعى تومەندەۋى بار ەكەنىن اتاپ ءوتتى. وسىلايشا، الەۋمەتتىك تىنىشتىق يندەكسى 59% كورسەتكىشتەن 71% دەيىن ءوستى.

«ترانسفورماتسيا اياسىندا قوردا كورپوراتيۆتىك مەدياتورلار مەن كەلىسسوز جۇرگىزۋشىلەردى ەنگىزۋ، سونداي-اق ومبۋدسمەن ينستيتۋتىن قۇرۋ ماسەلەلەرى كوتەرىلۋدە. ءبىز ءاربىر كاسىپورىندا ومبۋدسمەن قىزمەتىنىڭ تارالۋىن ماقسات ەتتىك. بۇل جاي عانا «جەدەل جاردەم» ءتارىزدى ەمەس، داۋ-جانجالداردىڭ الدىن الۋعا مۇمكىندىك بەرەدى»،- دەپ ءسوزىن جالعادى ومبۋدسمەن.

سونىمەن قاتار، كومپانيالار توبى قىزمەت ەتەتىن ايماقتاردىڭ تۇراقتى دامۋىنا باعىتتالعان الەۋمەتتىك تۇراقتىلىق كارتاسى نەگىزىندە «مەنىڭ ەلىم» باعدارلاماسى باستالدى، ياعني قىزمەتكەرلەردىڭ الەۋمەتتىك ءال-اۋقاتىنىڭ كورسەتكىشتەرى ەڭ تومەن ايماقتارعا باسا نازار اۋدارىلدى. شارا اياسىندا Samruk-Kazyna Trust الەۋمەتتىك جوبالاردى دامىتۋ قورى جۇزەگە اسىراتىن الەۋمەتتىك جانە قايىرىمدىلىق قىزمەتى شەڭبەرىندە وڭىرلەردىڭ الەۋمەتتىك ينفراقۇرىلىمى جەتىلدىرىلۋدە.

«قور كومپانيالار توبىنىڭ قايىرىمدىلىق پەن دەمەۋشىلىك قىزمەتى جەكەلەگەن كومەك كورسەتۋدەن الەۋمەتتىك ينۆەستيتسيالار تۇرىنە تولىقتاي رەفورمالاندى. ەگەر بۇرىندارى كومپانيالار توبىنىڭ قايىرىمدىلىق قىزمەتىن جۇزەگە اسىرۋىنىڭ جۇيەلىلىگىنىڭ بولماۋى بايقالسا، قازىر قور جەرگىلىكتى جەرلەردە ماسەلەلەردى ءدوپ باسىپ شەشۋمەن اينالىسادى. بۇل كۇندەرى قور قايىرىمدىلىق قىزمەتىن باسقارۋ مەن اكىمشىلىگى جۇيەسىنىڭ ساپالى وزگەرىستەرىنىڭ العاشقى ناتيجەلەرىن كورسەتۋدە»،- دەدى ومبۋدسمەن.

ونىڭ ايتۋىنشا، دەمەۋشىلىك جانە قايىرىمدىلىقتىڭ جاڭا فورماتىندا 14,8 ملرد تەڭگە سوماعا 89 جوبا جۇزەگە اسىرىلىپ، 200 مىڭ ادامعا كومەك كوسەتىلدى.