«سامرۇق-قازىنا» اكتيۆتەرىنىڭ شىن يەلەرى - قازاقستان حالقى. سوندىقتان قازىرگى ءجۇرىپ جاتقان ترانسفورماتسيا سولاردىڭ مۇددەلەرى ءۇشىن جاسالىپ جاتقان جۇمىستار.

بۇل تۋرالى كومپانيانىڭ تاۋەلسىز ديرەكتورى  سەر ريچارد ەۆانس قور قىزمەتكەرلەرى مەن پورتفەلدىك كومپانيالارعا ترانسفورماتسيانىڭ ارالىق قورىتىندىلارىن تانىستىرۋ ءراسىمى بارىسىندا مالىمدەدى.

كەزەكتى تاۋنحوللدا «سامرۇق-قازىنا» قورىنىڭ باسشىلىعى كورپوراتيۆتىك ورتالىقتىڭ ترانسفورماتسياسى قورىتىندىلارىن جانە قوردىڭ ستراتەگيالىق حولدينگتىڭ جاڭا مودەلىنە – بەلسەندى ينۆەستورعا كوشۋى تۋرالى  جاريالادى.

«مەن بۇگىن كورپوراتيۆتىك ورتالىقتىڭ ترانسفورماتسياسى اياقتاعانىن اتاپ ايتقىم كەلەدى. بىراق ءبىز ۇنەمى جەتىلدىرىلىپ وتىراتىن بولامىز. ەندى ەستافەتانى ەنشىلەس كومپانيالارعا بەرەمىز»، - دەپ مالىمدەدى قور باسشىسى ومىرزاق شوكەەۆ.

سونىمەن قاتار، پورتفەلدىك كومپانيالاردىڭ توپ-مەنەدجەرلەرىنە ترانسفورماتسيا باعدارلاماسىن ارى قاراي جۇزەگە اسىرۋعا تولىقتاي ەركىندىك بەرىلەتىندىگىن ەسكەرتتى. شىعىنداردى ازايتۋ مەن وڭتايلاندىرۋعا باعىتتالعان بارلىق باستامالار قور تاراپىنان قولداۋ كورەتىندىگىن شوكەەۆ اتاپ ءوتتى.

باستالعان وزگەرىستەردى جالعاستىرۋ قاجەتتىلىگىن قوردىڭ تاۋەلسىز ديرەكتورى سەر ريچارد ەۆانس تا تىلگە تيەك ەتتى.

«ترانسفورماتسيالىق وزگەرىستەر – مارافون. الايدا بۇل مارافون قالىپتى قاداممەن ءجۇرىپ وتىلەدى. بۇندا مارە سىزىعى جوق، وزگەرىستەر – ول كونۆەكتسيالىق ۇدەرىس ەمەس، ەشقاشان اياقتالمايتىن سوزىلمالى ۇدەرىس. ءبىزدىڭ اكتيۆتەرىمىزدىڭ ناعىز يەگەرلەرى قازاقستان حالقى ەكەنىن تۇپكى ماقساتىمىز رەتىندە ەسىمىزدەن شىعارماۋىمىز كەرەك. ءبىزدىڭ قازىرگى قىزمەتىمىز قازاقستان حالقى ءۇشىن»،- دەپ مالىمدەدى ءوز سوزىندە ەۆانس.

ەستەرىڭىزگە سالا كەتەيىك، «سامرۇق-قازىنا» قورىنىڭ ترانسفورماتسياسى باعدارلاماسىنىڭ رەسمي باستالۋىن 2014 جىلدىڭ قازان ايىندا قازاقستان پرەزيدەنت نۇرسۇلتان نازارباەۆ جاريالاعان. سول كەزدە باعدارلامانىڭ ماقساتى رەتىندە – قوردى مەملەكەتتىڭ، ياعني حالىقتىڭ بايلىعىن ارتتىراتىن جوعارى تەحنولوگيالى، ءارى اسا ناتيجەلى كومپانياعا اينالدىرۋ ايقىندالعان ەدى.