بەيسەنبى, 28 ناۋرىز 2024
اقمىلتىق 10669 1 پىكىر 6 ماۋسىم, 2017 ساعات 14:52

جوكوركۋ كەنەش دەپۋتاتىنىڭ بەتىنەن سۇيگىم كەپ كەتتى

قىرعىز وپپوزيتسياسىنىڭ وكىلى، قىرعىز رەسپۋبليكاسى جوعارعى كەڭەسىنىڭ (جوكوركۋ كەنەش) دەپۋتاتى ومىربەك تەكەباەۆقا قاتىستى سوت پروتسەسسى كەشە باستالعانى تۋرالى جازعان ەدىك.

قىرعىز رەسپۋبليكاسى جوعارى كەڭەشىنىڭ دەپۋتاتى، "اتامەكەن" فراكتسياسىنىڭ جەتەكشىسى ومىربەك تەكەباەۆ پەن دۇيسەن شوتانوۆتىڭ سوتى باستالاردا تەكەباەۆتىڭ ادۆوكاتتارى سوتقا "ەل پرەزيدەنتى الماسبەك اتامباەۆتى شاقىرۋ كەرەك" دەپ تالاپ قويعان ەدى.

ەندى، مىنە، تەمىر توردىڭ ارعى جاعىندا تۇرعان تەكەباەۆ سوت پروتسەسسىن قىرعىز تىلىندە جۇرگىزۋدى تالاپ ەتىپ وتىر. ءتىپتى، "مەن قىرعىز تىلىندە عانا سويلەيمىن" دەگەن دەپۋتاتتىڭ بەينەجازباسى جاريا بولدى.

ە، ايتسا ايتقان شىعار دەرسىز. راس. دەگەنمەن، بۇل ءسوزدى كىم ايتتى؟ قىرعىز پارلامەنتىنىڭ دەپۋتاتى ايتتى. پرەزيدەنتتىككە ۇمىتكەر بولعان ("ونىڭ پرەزيدەنت بولۋعا مۇمكىندىگى كوپ ەدى" دەيدى ساراپشىلار - رەد.) ازامات ايتتى. قايدا؟ تەمىر توردىڭ ارعى جاعىنان ايتتى.

اۋىلى ارالاس، قويى قورالاس جاتقان بىزدە شە؟ بىزدە پارلامەنتتىڭ سيقى بەلگىلى. ۆلاديسلاۆ كوسارەۆ دەيتىن كوممۋنيست دەپۋتات لەنيننىڭ كەۋىپ شىرىگەن تەرىسىن قازاقستانعا اكەلۋدى سۇرايدى. سميرنوۆا "ورىس الەمى" دەپ ويبايعا باسادى. كەزىندە توتەنشە جاعدايلار ءمينيسترى بولعان ۆلاديمير بوجكو ء"تىلىمدى كەسىپ الساڭ دا قازاقشا سويلەمەيمىن" دەيدى. ءماجىلىستىڭ پەن سەناتتىڭ وتىرىستارى تۇگەل ورىس تىلىندە وتەدى. ۇكىمەتىمىز دە شيرەك عاسىردىڭ شەگىندە جارىتىپ مەملەكەتتىك تىلدە جاق اشقان ەمەس. ونى ايتاسىز، كەيبىر جاس مينيسترلەرىمىز اينالدىرعان بەس جىلدا قازاق ءتىلىن مۇلدە ۇمىتىپ قالىپ، كورشى رەسەيدىڭ مەملەكەتتىك تىلىندە اتقارۋشى بيلىكتە الشاڭ باسىپ ءجۇر.

سولاردى ويلاعان كەزدە قىرعىز رەسپۋبليكاسى جوعارى كەڭەشىنىڭ دەپۋتاتى، "اتامەكەن" فراكتسياسىنىڭ جەتەكشىسى ومىربەك تەكەباەۆتىڭ بەتىنەن سۇيگىڭ كەپ كەتەدى ەكەن.

ءىلياس اقباي

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525