بتا بانكتىڭ بۇرىنعى جەتەكشىسى مۇحتار ءابليازوۆ 20 جىلعا باس بوستاندىعىنان ايرىلدى.  استانا قالاسىنداعى قىلمىستى ىستەر جونىندەگى  الماتى اۋدانارالىق ارنايى مامانداندىرىلعان سوتى وعان وسىنداي ۇكىم كەستى.

سوت ۇكىمى بويىنشا ءابليازوۆتىڭ دۇنيە-مۇلكى تاركىلەنىپ، 300 اەك كولەمىندە ايىپپۇل سالىندى. سونداي-اق ەكس-بانكير جازاسىن وتەپ بولعان سوڭ 3 جىل بانك-قارجى قىزمەتىمەن شۇعىلدانباۋى كەرەك.

بتا بانكتىڭ ەكس-توراعاسى سادۋاقاس مامەش تە 5 جىلعا شارتتى تۇردە باس بوستاندىعىنان ايرىلدى. ول دا 3 جىل وتپەي ءوز كاسىبىمەن اينالىسا المايدى.

بتا بانك باسقاراماسى باستىعىنىڭ ورىنباسارى – نەسيە كوميتەتىنىڭ توراعاسى جاقسىلىق جارىمبەتوۆ تە 5 جىل شارتتى تۇردە باس بوستاندىعىنان ايرىلدى.

بانكتىڭ نەسيە جونىندەگى ديرەكتورى قايرات سادىقوۆتىڭ دۇنيە-مۇلكى تاركىلەنىپ، 15 جىلعا سوتتالدى.

ايتا كەتەيىك، مۇحتار ءابليازوۆ سوتقا قاتىسقان جوق. ونىڭ سوتتاعى ءسوزىن مەملەكەت تاعايىنداعان قورعاۋشى سويلەدى.

اباي-اقپارات