75 جاستاعى حۋسان حودجيباەۆ ۆەلوسيپەدپەن 2 ماۋسىمدا جولعا شىققان. ول 7 ماۋسىم كەشكىسىن نەمەسە 8 ماۋسىم تاڭەرتەڭ تۇركىمەنستانعا جەتۋگە نيەتتى.

زەينەتكەر حودجيباەۆ تۇركىمەنستان جانە يران ارقىلى ءوتۋ ۆيزاسىن الماعان. بىراق، ونىڭ سوزدەرىنشە، وزبەكستاننىڭ ۆيزاسى بار، ول وسىمەن وزگە ەلدەردىڭ شەكاراسىنان وتە الادى.

2016 جىلدىڭ قىركۇيەگىندە حۋسان حودجيباەۆ ۆەلوسيپەدپەن سامارقانعا، ەلدىڭ تۇڭعىش پرەزيدەنتى يسلام كاريموۆتىڭ باسىنا بارعان. زەينەتكەر ول كەزدە كاريموۆتىڭ باسىنا قۇران وقۋ ءۇشىن 500 شاقىرىم جول جۇرگەن. Facebook قولدانۋشىلارى سول كەزدە ونىڭ ساپارىن «كىشى قاجىلىققا» تەڭەگەن.

يسلام ءدىنى بويىنشا مەككەگە قاجىلىققا بارۋ - مۇسىلمان بالاسىنىڭ بەس پارىزىنىڭ ءبىرى بولىپ سانالادى.

اباي-اقپارات