بىلتىر ءبىر مەكەمە باسشىسى اۋىزاشارعا شاقىرعان. داستارحان باسىندا مەكەمە قىزمەتكەرلەرىنەن بولەك ءۇش-ءتورت اقساقال جانە باسقا دا سىيلى كىسىلەر وتىردى.

ەڭ سوڭىندا ءسوز العان باسشى بىلاي دەدى:

- وسى مەكەمەگە باسشى بولىپ كەلگەنىمە ءبىر جىلدان استى. العاش كەلگەنىمدە شوشىپ كەتتىم... مىنا عيمارات اتقورا بوپ كەتىپتى. ادام كىرىپ بولمايدى...

مىنا ءسوزدى ەستىپ مەن شوشىپ كەتتىم. ويتكەنى مەكەمە باسشىسىنىڭ قاسىندا ەگدە تارتقان ورىنباسارى وتىرعان. وعان دەيىنگى باستىق سول بولاتىن. ونىڭ ءتۇرى لەزدە بۇزىلىپ سالا بەردى. بىراق، مەكەمە باسشىسى ونى كەش اڭعاردى. ءتىلى جەتكەنشە جامانداپ، بۇعان دەيىنگى تىرلىكتىڭ ءبارىن تۇككە العىسىز ەتكەن ول ەندى ورىنباسارىنا ازىلدەگەنسىپ جۋىپ-شايماق بولىپ ەدى، انانىڭ قاباعى جازىلا قويمادى.

وتكەن اپتادا تارازعا بارعانىمدا سول مەكەمەگە تاعى دا اۋىزاشارعا شاقىرىلدىم. باردىم. مەكەمەنىڭ باسشىسى وزگەرىپتى. بۇرىنعى باسشىلىق كومانداسىمەن كەتكەن كورىنەدى.

اۋىزاشاردان كەيىن جاڭا باسشى مەكەمەنى ارالاتىپ كورسەتىپ ءجۇرىپ، قاعا بەرىستە بىلاي دەدى:

- ويپىرماي، مىنا عيمارات ءىشى مۇلدەم بىعىپ كەتىپتى... بۇكىل قىزمەتكەرلەرىمدى جۇمىستان كەيىن قالدىرىپ، جابىلىپ ءجۇرىپ، ارەڭ دەگەن دە تازالادىق. بۇرىنعى باسشىلىق قايدا قاراپ وتىرعاندارىن بىلمەدىم...

وسىدان كەيىن كەز-كەلگەن مەكەمەدە باسشى اۋىسقان سايىن وسىنداي اڭگىمە ايتىلادى-اۋ دەپ قالدىم.

ورالحان ءداۋىت

Facebook-تەگى پاراقشاسىنان