بەيسەنبى, 28 ناۋرىز 2024
بەتبۇرىس 5047 5 پىكىر 3 شىلدە, 2017 ساعات 15:41

جاستاردىڭ ومىردەن ءوز ورنىن تابۋعا جاعداي جاسالادى

زامان كوشىنە ىلەسىپ، الەم الپاۋىتتارىمەن دەڭگەيلەس بولۋ ءۇشىن ءبىلىمدى بولماق كەرەك. سوندىقتان بىلىمگە، عىلىمعا ەرەكشە كوڭىل ءبولۋ بۇگىنگىنىڭ باستى تالابى. وسى ورايدا «نۇر وتان» پارتياسىنىڭ باستاماسىمەن جۇزەگە اسىرىلىپ كەلە جاتقان «ءساتتى قادام» جوباسىنىڭ ماڭىزى زور.

بۇگىن اتالعان جوبانىڭ ءۇشىنشى باعىتىن جۇزەگە اسىرۋ ماقساتىندا «نۇر وتان» پارتياسى مەن ءبىلىم جانە عىلىم مينسترلىگى، ەڭبەك جانە حالىقتى الەۋمەتتىك قورعاۋ مينيسترلىگى جانە ءدىن ىستەرى جانە ازاماتتىق قوعام مينيسترلىكتەرى اراسىندا جاڭارتىلعان تورتجاقتى مەموراندۋمعا قول قويىلدى.

«نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەدتىڭ توراعالىعىمەن وتكەن شاراعا اتالعان مينيسترلىك باسشىلارى ەرلان ساعاديەۆ، تامارا دۇيسەنوۆا، نۇرلان ەرمەكباەۆ پەن جاۋاپتى مەملەكەتتىك ورگاندار وكىلدەرىنەن قۇرىلعان جۇمىس توبىنىڭ مۇشەلەرى، پارتيانىڭ وڭىرلىك فيليالدارى مەن «جاس وتان» جاستار قاناتىنىڭ وكىلدەرى قاتىستى.

«ەلباسىمىزدىڭ تاپسىرماسىن ورىنداۋ ءۇش ۇلكەن ماسەلەنىڭ ءتۇيىنىن شەشۋگە مۇمكىندىك بەرەدى: مەكتەپ بىتىرگەن جاستار مەملەكەتتىڭ قامقورلىعىن سەزىنىپ، بىردەن جۇمىسپەن قامتىلادى; ماماندىق يگەرەدى جانە جاڭادان اشىلعان كاسىپورىندار جۇمىس كۇشىمەن قامتاماسىز ەتىلەدى. بىردە ءبىر مەكتەپ ءبىتىرۋشى ءبىزدىڭ نازارىمىزدان تىس قالماۋى كەرەك. بۇل قوعامعا دا، مەملەكەتكە دە وتە پايدالى ءىس»، – دەدى مۇحتار قۇل-مۇحاممەد.

مەملەكەت باسشىسىنىڭ تىكەلەي تاپسىرماسى بويىنشا قولعا الىنعان جوبانىڭ باستى ماقساتى – ۇلتتىق بىرىڭعاي تەستىلەۋدە شەكتى دەڭگەيدى جيناي الماعان جانە سىناققا قاتىسپاعان مەكتەپ تۇلەكتەرىن وقىتۋ، جۇمىسقا ورنالاستىرۋ ارقىلى ولاردىڭ ومىردەن ءوز ورىندارىن تابۋعا جاعداي جاساۋ. وتكەن جىلى سونداي 54172 تۇلەكتىڭ قايتا تەستىلەۋدىڭ ارقاسىندا 13514 تۇلەك قازاقستاندىق جانە 5820 تۇلەك شەتەلدىك ءبىلىم بەرۋ ورىندارىنا وقۋعا وقۋعا ءتۇستى. سونداي-اق، 22526 تۇلەك كاسىپتىك جانە تەحنيكالىق ءبىلىم بەرۋ ۇيىمدارىنا جانە دايارلاۋ كۋرستارىنا وقۋعا قابىلداندى. تاعى بىرقاتارى اسكەر قاتارىنا شاقىرىلسا، ءبىر توپ جاستار ءوز كۇشتەرىمەن جۇمىسپەن قامتىلدى.

بۇگىن قول قويىلعان قۇجاتقا سايكەس الداعى ۋاقىتتا بۇل جۇمىستار ودان ءارى جاندانىپ، ءار قازاقستاندىق جاس پارتيا مەن ءتيىستى ۆەدومستۆولاردىڭ باقىلاۋىندا بولماق. ۇلتىمىزدىڭ ۇلى ويشىلى ابايدىڭ «عىلىم تاپپاي ماقتانبا» دەپ قازاقتى ۇيرەنۋگە، ىزدەنۋگە شاقىرعانىن ەسكەرسەك، ەلىمىزدەگى باستى ساياسي كۇش «نۇر وتان» پارتياسىنىڭ بۇل يگى باستاماسى قۇپتارلىق دۇنيە ەكەنىن اڭعارمىز.

شىڭعىس بەردىقوجا

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530