قالام ۇستاعان قاۋىمنىڭ ىشىندە ايتار ويىن بۇكپەي، ۇلت ماسەلەسى داۋعا تۇسكەن تۇستاردا الاش جۇرتىنىڭ قاسىنان تابىلىپ جۇرەتىن اقساقالىمىز عابباس قابىشۇلى اقپارات قۇرالىنىڭ بۇگىنگى وزىق سالاسى - عالامتوردى پايدالانۋدى عادەتىنە اينالدىرعالى ءبىراز بولىپ قالىپتى. عابەڭ ەشكىمگە جالىنباي-اق، گازەت-جۋرنالداردىڭ ەلەكتورىندى مەكەن-جايىنا جازعان ماقالالارىن جىبەرىپ وتىرادى. ول ءبىزدىڭ پورتالدىڭ دا تۇراقتى اۆتورى. تۇراقتى اۆتورىمىز عابباس قابىشۇلى Abai.kz اقپاراتتىق پورتالىنىڭ وقىرماندارىمەن بۇكپەسىز وي الىسۋعا ىقىلاس تانىتىپ وتىر. ساۋالدارىڭىزدى ادەتتەگىدەي  Abai-akparat@mail.ru  پوشتاسىنا نەمەسە فورۋمعا جولداي بەرۋلەرىڭىزگە بولادى.

ءومىر-دەرەك

قالام ۇستاعان قاۋىمنىڭ ىشىندە ايتار ويىن بۇكپەي، ۇلت ماسەلەسى داۋعا تۇسكەن تۇستاردا الاش جۇرتىنىڭ قاسىنان تابىلىپ جۇرەتىن اقساقالىمىز عابباس قابىشۇلى اقپارات قۇرالىنىڭ بۇگىنگى وزىق سالاسى - عالامتوردى پايدالانۋدى عادەتىنە اينالدىرعالى ءبىراز بولىپ قالىپتى. عابەڭ ەشكىمگە جالىنباي-اق، گازەت-جۋرنالداردىڭ ەلەكتورىندى مەكەن-جايىنا جازعان ماقالالارىن جىبەرىپ وتىرادى. ول ءبىزدىڭ پورتالدىڭ دا تۇراقتى اۆتورى. تۇراقتى اۆتورىمىز عابباس قابىشۇلى Abai.kz اقپاراتتىق پورتالىنىڭ وقىرماندارىمەن بۇكپەسىز وي الىسۋعا ىقىلاس تانىتىپ وتىر. ساۋالدارىڭىزدى ادەتتەگىدەي  Abai-akparat@mail.ru  پوشتاسىنا نەمەسە فورۋمعا جولداي بەرۋلەرىڭىزگە بولادى.

ءومىر-دەرەك

عابباس قابىشۇلى 1935 جىلى 9 ساۋىردە شىعىس قازاقستان وبلىسى، ۇلان اۋدانى، ۇرىنحاي اۋىلىندا  دۇنيەگە كەلگەن. ورتا مەكتەپتى بىتىرگەن سوڭ وبلىستىق "كوممۋنيزم تۋى" گازەتىنىڭ رەداكتسياسىندا ءبىرشاما ۋاقىت جۇمىس ىستەيدى. 1966 جىلى رەسپۋبليكالىق  "قازاق ادەبيەتى" گازەتىنىڭ رەداكتسياسىنا اۋىسىپ، جاۋاپتى حاتشىنىڭ ورىنباسارى، كوركەم ادەبيەت، ادەبي سىن بولىمدەرىندە مەڭگەرۋشى بولىپ ىستەدى. 1968 جىلى س. م. كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىندە سىرتتاي وقىپ، جوعارعى ءبىلىم الدى. 1974 جىلى كسرو ادەبي قورى قازاق بولىمشەسىنىڭ ديرەكتورى بولىپ تاعايىندالادى. العاشقى اڭگىمەلەرى 1966 جىلى "شۇعىلا" اتتى جاس جازۋشىلاردىڭ جيناعىندا باسىلدى. 1967 جىلى ونىڭ  "ياكوۆ ۋشانوۆ" اتتى وچەركتەر كىتابى جارىققا شىقتى. ورىس ادەبيەتىنەن ا.چەحوۆ، د.لەنچ، س.ميحالكوۆتىڭ، ۋكراين ادەبيەتىنەن و. ۆيشنيانىڭ، سەرب ادەبيەتىنەن ب.ءنۋشيچتىڭ اڭگىمەلەرىن، تۇرىك ادەبيەتىنەن ءا. نەسيننىڭ "فۋتبول كورولى" سىقاق رومانىن، تاڭداۋلى ءازىل-سىقاق اڭگىمەلەرىن  قازاق تىلىنە اۋداردى.

عابباس قابىشۇلىنىڭ قالامىنان تۋعان «كونگرەسس حولل»،  «ءتىرى جۇرەكتەگى ءولى قىل»، «قوڭىر داپتەر»، «مەن ويمىن» «كتو چەم بەرەت؟»، «باقاي باتا»، «جىگىتتەر-اۋ، قىزدار-اۋ!»، « «اسەم» دەيمىز، «اتتەڭ»... دەمەيمىز، ءا!»، «باجاممەن باجىلداستىم» اتتى ساتيرالىق شىعارمالار بار.