الا باعانانىڭ قوس قاپتالىندا الاكوزدەنىپ، ءبىر بىرىنە جۇدىرىق ءتۇيىپ وتىراتىن ۇندىستاندىقتار مەن پاكستاندىقتاردىڭ بىرىككەن اراب امىرىلىكتەرىندە ءبىر ءۇيدىڭ بالاسىنداي بولىپ جۇرگەنىن كوزىمىز كوردى.

ءىشىنارا، قاعابەرىستە، قالتارىستا، بالكىم، قاباق ءتۇيىسىپ، قارجاسىپ تا قالاتىن شىعار، بىراق، ءباا-دەگى ۇندىستاندىقتار مەن پاكىستاندىقتاردىڭ اراسىنان پالەندەي داۋ شىعىپ، داۋىل تۇرىپتى دەگەندى ەستىمەيسىز. ىلۋدە ءبىرى ۇرلىقپەن ءيا بولماسا، قانداي دا ءبىر زاڭعا قايشى قارەكەتىمەن كوزگە ءتۇستى ءبىتتى، اتالعان ەلدىڭ ازاماتتارىنا الدىمەن كەسىلەتىن جازا – دەپورتاتسيا.

ال، ءباا-دەي باي ەلدەن، بەرەكەلى ەلدەن كەتكىسى كەلمەيتىن ءۇندىس نە پاكىستان بالاسى امىرلىكتەردىڭ امىرىنەن شىعا المايدى، دەگەنىنە باعىنادى.

بىزگە دە گاستاربايتەرلەردى قيا باستىرمايتىن سونداي ءبىر پارمەندى شارا، قاتاڭ باقىلاۋ كەرەك. بۇل بولماعان جاعدايدا، اسىرەسە، قازاق جۇمىسشىسىنىڭ جالاقىسى تومەن، الەۋمەتتىك ستاتۋسى كەم بولعان جاعدايدا، قاقتىعىس بولماي تۇرمايدى. شولمەك مىڭ كۇن ەمەس، ءبىر كۇنى سىنادى. ءبىزدىڭ جاھانشىل بيلىك وسىنى جاقسىلاپ ويعا العانى دۇرىس.

دەگەنمەن دە، كەشەلى بەرى ەل قۇلاعىن ەلەڭدەتكەن قازاق پەن ءۇندىس جۇمىسشىلارىنىڭ اراسىنداعى قاقتىعىس ساباسىنا ءتۇسىپ، بولعان جايتقا وراي شۇعىل قۇرىلعان كوميسسيا جۇمىسىنا كىرىسىپ كەتكەنگە ۇقسايدى. تۇتقىندالعان قازاق جىگىتتەرىنىڭ ءبارى قاماۋدان بوسادى. ايتسە دە، ءىس وسىمەن تىندى ەكەن دەپ، ارقانى كەڭگە سالۋعا جانە بولمايتىن شىعار. جالدامالى جۇمىسشىلار جۇرگەن بارلىق نىساندار سۇزگىدەن ءوتىپ، بولۋى ىقتيمال داۋ-شارلاردىڭ الدىن العان ءجون.

قاشانعى بىزدە تەڭىز وقيعاسى، جاڭاوزەن كوتەرىلىسى، سنپس اقتوبەمۇنايگاز ماسەلەسى قايتالانا بەرۋى كەرەك؟

داۋرەن قۋات

Facebook-تەگى پاراقشاسىنان