ۇندىقىتاي تۇبەگىندە ورنالاسقان ميانميدەگى مالقاساپقا بايلانىستى مۇسىلمانداردىڭ نارازىلىعى كۇن ساناپ ارتىپ كەلەدى. ميانميدە روحيندجا مۇسىلماندارىنا جاسالعان قىسىم مەن جانتۇرشىلىگەرلىك بەينە جازبالار الەۋمەتتىك جەلىدە پايدا بولدى. بىزگە بەلگىلىسى 400 روحيندجا مۇسىلمانى ولتىرىلگەن. ولاردىڭ ىشىندە ايەلدەر مەن بالا-شاعا كوپ.

ءبىز ميانميدەگى جانشورىرلىق جاعداي تۋرالى كەشە جازدىق. روحينجالار – بۇلار ەتنيكالىق بەنگال-مۇسىلماندار. ءحىح عاسىردىڭ سوڭى مەن حح عاسىردىڭ باسىن الا اعىلشىن وكىمەتىنىڭ پارمەنىمەن راكحاين شتاتىنىڭ اراكان ايماعىنان قونىس تەپكەن مۇسىلمانداردىڭ قاراسى جارتى ميلليونعا جاقىندايدى.

روحينجا-مۇسىلماندارى قازىر بانگلادەشكە باس ساۋعالاپ بوسۋ ۇستىندە.

بولعان وقيعاعا قاتىستى تۇركيا پرەيدەنتى رەجەپ تايىپ ەردوعان اشىق مالىمدەمە جاساپ، ميانميدەگى قىرعىن مۇسىلماندارعا جاسالعان گەنوتسيد ەكەنىن ايتتى.

ءوز كەزەگىندە رەسەي قۇرامىنداعى شەشەنستان ليدەرى رامزان احماتۇلى قادىروۆ گروزنىيدا ميلليونداردىڭ ميتينگىسىنە قاتىسىپ، روحيندجا مۇسىلماندارىنا قولداۋ ءبىلدىردى. حالىقارالىق قاۋىمداستىقتان جانە رەسەي پرەزيدەنتى ۆلاديمير پۋتيننەن بۇل ماسەلەگە بەيجاي قاراماۋدى سۇرادى.

ءىلياس اقباي

Abai.kz