قر باس پروكۋرورى ج.اسانوۆقا

                     قر ىشكى ىستەر ءمينيسترى ق.قاسىموۆقا

2017 جىلدىڭ 2 قىركۇيەك كۇنى كەشكىسىن باس وردامىز – استانا قالاسىنداعى  «ابۋ-دابي پلازا» كەشەنى قۇرىلىسى ماڭىندا شەتەلدىك جانە جەرگىلىكتى جۇمىسشىلار اراسىندا بولعان توبەلەستەن كەيىن شەتەلدىك ازاماتتاردىڭ  ۇستالماعانىن باس پروكۋرور ورىنباسارى ا.لۋكين  رەسمي تۇردە مالىمدەدى. «ماساڭ شەتەلدىك ازامات وتانداستارىن شاقىرىپ، كۇزەتشىنى سوققىعا جىققانىن، كەيىن جەرگىلىكتى جۇمىسشىلار كۇزەتشىگە بولىسىپ، ونىڭ سوڭى ۇلكەن توبەلەسكە ۇلاستى» دەپ  ىشكى ىستەر مينيسترىلىگىڭ ءباسپاسوز حاتشىسى ا.سادۋباەۆ اقپارات قۇرالدارىنا جاۋاپ بەردى.

الەم قاراپ وتىرعان استاناداعى «ەكسپو-2017» كورمەسى كەزىندە  جانە قاسيەتتى مەرەكە – قۇربان ايت ۋاقىتىندا شەتەلدىك ازاماتتاردىڭ (ۇندىستەردىڭ)  ىشىمدىك ءىشىپ الىپ، ۇلكەن قوعامدىق ءتارتىپ بۇزسا دا ەشقانداي قازاقستان رەسپۋبليكاسىنا زاڭدارىنا سايكەس جاۋاپكەرشىلىككە تارتىلماۋى  بارلىق قازاقستاندىقتاردى الاڭداتىپ، اشۋ-ىزالارىن تۋعىزىپ وتىر. ال، ءۇندىستان ازاماتتارىنىڭ  زاڭسىز ارەكەتتەرى، ءبىزدى – ياعني مەملەكەت قۇراۋشى – قازاق ۇلتىن  باسىنعاندىق، قازاق ەلىنىڭ زاڭدارىن قۇرمەتتەمەگەندىك.

سىزدەردەن تومەندەگى جاعدايدى تالاپ ەتە سۇرايمىز.

1. استانادا بولعان دۇربەلەڭ جاعدايدىڭ اق-قاراسىن ءادىل انىقتاۋ ءۇشىن، وسى وقيعاعا بايلانىستى، زيالى جانە قوعامدىق بەلسەندىلەرىنەن كوميسسيا قۇرۋلارىڭىزدى سۇرايمىز.

2. قازاقستان زاڭدارىن قۇرمەتتەمەگەن جانە مەملەكەت قۇراۋشى – قازاق ۇلتىن باسىنعان ءۇندىستان ازاماتتارىن زاڭ الدىندا جاۋاپكەرشىلىككە تارتىپ،  سوت شەشىمىمەن قازاقستان رەسپۋبليكاسىنىڭ   اۋماعىنان شىعارۋدى تالاپ ەتەمىز.

3. ىشىمدىك ءىشىپ، قازاقستاندىق ازاماتتاردى العاش بولىپ ۇرىپ، جانجال شىعارعان ءۇندىستان ازاماتتارىنىڭ حالىقتان كەشىرىم سۇراۋلارىن تالاپ ەتەمىز.

4. ءۇندىستان مەملەكەت باسشىلارىنىڭ وتانداستارىنىڭ ۇلكەن تارتىپسىزدىكتەرى ءۇشىن، قازاقستان حالقىنان رەسمي تۇردە كەشىرىم سۇراۋلارىن تالاپ ەتەمىز.

5. ءوز ەلىندە ءوز سوققىعا جىعىلعان ءوز وتانداستارىن قورعاۋعا كەلگەن قازاقستاندىق ازاماتتارىمىزدى قۋدالاۋدى توقتاتىپ، ءبارىن دە جاۋاپكەرشىلىكتەن بوساتۋلارىڭىزدى جانە ءوز جۇمىستارىندا قالدىرۋلارىڭىزدى سۇرايمىز.

ورال قالاسىنىڭ تۇرعىن، قوعام بەلسەندىسى تالعات قاتاۋوۆ جانە باتىس قازاقستان وبلىسىنىڭ ءبىر توپ تۇرعىندارى.

قول قويۋ جالعاسادى. 

Abai.kz