قازىر الەمنىڭ تۇكپىر-تۇكپىرىندە بولىپ جاتقان سوعىستاردى كەيدە دىنارالىق سوعىس، ال تەرروريزمگە قارسى كۇرەس دەگەندى نەگىزىندە يسلامعا قارسى ويلاپ تابىلعان كۇرەس پە دەپ قالۋعا بولاتىن سياقتى. قالاي دەسەڭىز دە ءدىن مەملەكەت ساياساتىنان ەشقاشان بولەكتەنگەن ەمەس. ول – ءجاي كوزبوياۋشىلىق ءۇشىن ايتىلعان ءسوز.

قاراڭىزشى: سوناۋ جىلدارى الەمدىك مادەنيەتتىڭ ورتالىعى باعدات تاستالقان بولىپ قيراتىلىپ، بەيكۇنا يراك حالقى 100 مىڭداپ قىرىلدى. ليۆيادا، اۋعانستاندا، سيريادا قىرىلعان مۇسىلماندارعا ەسەپ جوق. ودان باسقا جۇزدەگەن مىسالداردى كەلتىرىپ جاتپاي-اق قويالىق; كەشەگى ميانمادا مۇسىلمان قانى سۋداي اقتى.

ايتپاقشى، ينديرا گانديدىڭ كەزىندە دە ءۇندىستاندا قالا كوشەلەرىندە مۇسىلمانداردىڭ قانى كوپ توگىلدى. سوعان قاراماستان ءبىزدىڭ قازەكەڭ قىزدارىنىڭ اتىن ينديرا دەپ قويادى. جاي حالىقتى قايتەسىز، وسى جوعارىدا كەلتىرىلگەن قانتوگىستەردىڭ بىردە-بىرىنە قازاقستان مۇسىلماندارى ءدىني باسقارماسى باستاپ بىردە-ءبىر مەشىتتە بىردە-ءبىر مارتە قۇران باعىشتالعان ەمەس. ال شىندىعىنا كەلسەك، بۇلاي ەتۋ – ولاردىڭ باستى پارىزىنىڭ ءبىرى. سوندا قازاقستان مۇسىلماندارى ءدىني باسقارماسى كىمنىڭ، قاي ەلدىڭ ساياساتىنا قاراپ ۋاعىز ايتاتىن بولعان؟

مىرزان كەنجەباي، اقىن، قر مادەنيەت قايراتكەرى

Abai.kz