جۇما, 29 ناۋرىز 2024
3637 1 پىكىر 11 قىركۇيەك, 2017 ساعات 08:33

قىرعىزستاندا پرەزيدەنتىككە ۇمىتكەرلەردىڭ ۇگىت-ناسيحات ناۋقانى باستالدى

قىرعىزستاندا 10 قىركۇيەكتەن باستاپ پرەزيدەنتىككە ۇمىتكەرلەردىڭ ۇگىت-ناسيحات ناۋقانى باستالدى. ناۋقان 14 قازانعا دەيىن سوزىلادى.

"پرەزيدەنتتىك سايلاۋ قارساڭىنداعى ەڭ ماڭىزدى، جاۋاپكەرشىلىگى جوعارى ۇگىت-ناسيحات ناۋقانى باستالدى. ۇگىت جۇمىستارى 10 قىركۇيەك تاڭعى ساعات 8:00-دە باستالىپ، 14 قازانعا دەيىن جالعاسادى. سايلاۋعا دەيىن 25 كۇن ىشىندە سايلاۋ بيۋللەتەنىنىڭ ءماتىنى مەن فورماسى دايىن بولىپ، بەكىتىلەدى. سول كەزدە قانشا ادامنىڭ ەنگىزىلەتىنى بەلگىلى بولادى. وعان دەيىن سوت ورگاندارى وسك-نىڭ شەشىمدەرىن كەرى قايتارۋى مۇمكىن، نە بولماسا كەيبىر كانديداتتار سايلاۋعا قاتىسۋدان باس تارتۋى مۇمكىن", - دەپ حابارلادى قىرعىزستاننىڭ ورتالىق سايلاۋ كوميسسياسىنىڭ توراعا ورىنباسارى ءابدىجاپار بەكماتوۆ.

وسك مالىمەتى بويىنشا 10 قىركۇيەككە دەيىن 13 كانديدات تىركەلگەن.

وسك-گە جالپى پرەزيدەنت بولۋعا 59 ادام ءوتىنىش بەرگەن. كەيبىر ازاماتتار قۇجاتتارىن وزدەرى كەرى قايتارىپ السا، كەيبىرىن ءارتۇرلى سەبەپتەرمەن تىركەۋدەن باس تارتتى.

قىرعىزستاندا پرەزيدەنت سايلاۋى 15 قازاندا وتەدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616