بەلگىلى بولعانداي، بۇل پاتەرلەر كەزىندە ءارتۇرلى سەبەپتەرمەن ازاماتتاردان تارتىپ الىنعان ەكەن. بۇل جونىندە تاۋەلسىز جۋرناليست الەكسەي ۆولوسەۆيچ حابارلادى. "وزبەك قۇقىق قورعاۋ ورگاندارى پرەزيدەنتتىڭ ميليتسيونەرلەردى پاتەرمەن قامتاماسىز ەتۋ كەرەك دەگەن تاپسىرماسىن ورىندادى دەسە دە بولادى. ولار سونداعى 137 "پريتوندى" ۇستاپ، ولاردىڭ پاتەرلەرىن تاركىلەگەن", – دەدى جۋرناليست الەكسەي ۆولوسەۆيچ.

وزبەكستاننىڭ ءىىم ءۇشىن شارۋا تاۋارلارىن جەتكىزەتىن فيرما وكىلى بۇل مەكەمەدە شىن مانىندە پاتەرلەر ساتىپ الاتىن قاراجات جوق ەكەنىن ايتادى.

"جوعارى باسشىلىقپەن كەلىسىپ، ازاماتتاردىڭ تاركىلەنگەن پاتەرلەرى مەن كولىكتەرىن ميليتسيا قىزمەتكەرلەرىنە بەرۋ جونىندە ۋاعدالاسقان. 10 قىركۇيەكتە ءىىم 150 قىزمەتكەرى پاتەر كىلتىن الدى. وسى جىلدىڭ اياعىنا دەيىن جالپى 500 قىزمەتكەرگە پاتەر بەرۋى ءتيىس", - دەدى فيرما وكىلى.

وزبەكستان پرەزيدەنتى جىل باسىندا جەرگىلىكتى ينسپەكتورلاردى قىزمەت پاتەرىمەن قامتاماسىز ەتۋ كەرەك دەگەن ماسەلە كوتەرگەن.

Abai.kz