.png)
ەۋرووداق ۋكراينا ەگەمەندىگىن بۇزعانى ءۇشىن رەسەيگە قارسى سانكتسيانى ۇزارتتى
ەۋروپالىق وداق ۋكراينا ەگەمەندىگىنە "قول سۇعۋىنا" سەبەپكەر دەگەن تۇلعالار مەن ۇيىمدارعا قارسى سانكتسيالاردى ۇزارتتى. شەكتەۋ مەرزىمى تاعى التى ايعا – 2018 جىلدىڭ 15 ناۋرىزىنا دەيىن جالعاسادى.
جاڭارتىلعان سانكتسيا تىزىمىنە 149 جەكە تۇلعا مەن 38 زاڭدى تۇلعا ەنگەن. ولاردىڭ ىشىندە رەسەيلىك ساياساتكەرلەر، قوعام قايراتكەرلەرى، سونىمەن بىرگە وزدەرىن وزدەرى جاريالاعان دونەتسك مەن لۋگانسك حالىقتىق رەسپۋبليكا ليدەرلەرى مەن سەپاراتيستەر وكىلدەرى بار. رەسەيدىڭ اقش-تاعى جاڭا ەلشىسى اناتولي انتونوۆ دا سانكتسيا تىزىمىندە. سونىمەن بىرگە دۇنيەدەن وتكەن ءتورت ادامدى تىزىمنەن شىعارعان.
ەۋرووداق رەسەيگە قارسى 2014 جىلى قىرىمدى اننەكسيالاعاننان كەيىن شەكتەۋلەر قويدى. ماسكەۋ بولسا، بۇل ايىپتاۋلاردىڭ ءبارىن جوققا شىعارادى.
Abai.kz
