سۋ جاڭا رەكورد. ول رەكوردتى وڭتۇستىك قازاقستان وبلىسى ورناتتى. اڭگىمە "نۇرسۇلتان" دەگەن ەسىم جايلى بولماق.

ءسويتىپ، وڭتۇستىك جۇرتى جاڭا تۋعان سابيگە  نۇرسۇلتان دەگەن ەسىمدى بەرۋدە ەشكىمگە دەس بەرمەدى.

"وtyrar.kz" اقپاراتىنا سۇيەنسەك، قازىردىڭ وزىندە وقو-دا 10 265 نۇرسۇلتان تۇرادى ەكەن. ولار 1991-2016 جىلدار ىشىندە وڭتۇستىكتە تۋعان نەمەسە قونىس اۋدارعاندار ەكەن.  جانسەيت تۇيمەباەۆ تىزگىنىن ۇستاعان وڭىردە ەڭ جوعارعى رەيتينگ. ەڭ كوپ نۇرسۇلتان تۇرادى.

ال اۋدسايدەر - سولتۇستىك قازاقستان وبلىسى ەكەن. تاۋەلسىزدىك العالى بەرى تۋعاندار مەن كوشىپ كەلگەندەردى ەسەپتەگەندە بۇل جاقتا بار بولعانى 483 نۇرەكەڭ تىركەلگەن ەكەن. سولتۇستىكتە "نۇرسۇلتانعا" سۇرانىس ازداۋ.

اماندىق باتالوۆ باسقارىپ وتىرعان الماتى وبلىسىندا - 4 585 نۇرسۇلتان تىركەلسە، جامبىل وبلىسىندا - 3 940, قىزىلوردادا - 3 081 نۇرسۇلتان تۇرىپ جاتىر. الماتى وبلىسى بۇل جارىستىڭ ەكىنشى ساتىسىندا.

قاراعاندى مەن اقتوبەدە دە 2 مىڭعا جۋىق نۇرسۇلتان بار.

استانادا دا نۇرسۇلتاندار بار. پرەزيدەنت نۇرسۇلتان نزاارباەۆتى قوسا ەسەپتەگەندە بارلىعى - 2 528 نۇرەكەڭ تىركەۋدە تۇر. حالقىنىڭ سانى ميلليونعا جەتە قابىل استانادا 2 جارىم مىڭنان استام نۇرەكەڭ نان تاۋىپ، تىرشىلىك كەشىپ ءجۇر.

سولاي، مىنە. قازاقستانداعى ەڭ تانىمال ەسىم دە - نۇرسۇلتان. سۇرانىسى جوعارى ەسىم دە - نۇرسۇلتان.

راس بالاعا ات قويۋ پروتسەسسىنە ءارتۇرلى جايتتار سەبەپشى بولۋى مۇمكىن. دەگەنمەن، قازاقستاندا نۇرسۇلتانداردان باسقا  ەلباسى، ازيادا، اقوردا، استانا، بايتەرەك، سامميتا، قازاقستان، اتازاڭ دەگەن اتتى بالالار ءوسىپ-جەتىلىپ كەلەدى. ال بىزگە ءمالىم اقپارات بويىنشا - قازىر ەلىمىزدە 40 مىڭعا جۋىق نۇرسۇلتان بار.

نۇرزات توعجان

Abai.kz