استانا، الماتى قالالارى مەن 9 وبلىستىق بۇقارالىق اقپارات قۇرالدارىنىڭ وكىلدەرى جينالعان باسقوسۋدا قازاق ءتىلدى باسپا جانە مەديا باق-تاعى ءسوز قولدانىسىنداعى قاتەلىكتەر مەن ءتىل تازالىعى، مادەنيەتى جانە تەرميندەردىڭ رەتتى قولدانىلۋى ءسوز بولدى.

جيىندى قر مادەنيەت جانە سپورت مينيسترلىگى تىلدەردى دامىتۋ جəنە قوعامدىق-ساياسي جۇمىس كوميتەتى توراعاسىنىڭ ورىنباسارى عالىمجان سارسەنبايۇلى جۇرگىزىپ، ءسوز باسىندا "سىن - ساداق ەمەس، بارلىعىمىزعا ساباق" ەكەندىگىن قاتىسۋشىلارعا ەسكەرتە كەتتى.

سەمينار-ترەنينگتە كəسىبي ماماندار ءدəرىس وقىپ، شەبەرلىك ساباقتارىن كورسەتتى. ف.ع.د.، پروفەسسور شەرۋباي قۇرمانبايۇلى “بۇقارالىق اقپارات قۇرالدارىنداعى ءسوز قولدانىسى” تاقىرىبىندا وي قوزعاپ، جۋرناليستەر ءجيى جىبەرەتىن قاتەلىكتەرگە توقتالدى.

ال ۇلتتىق اۋدارما بيۋروسىنىڭ ۇيلەستىرۋشىسى، "جاس الاش" گازەتىنىڭ باس رەداكتورىنىڭ ورىنباسارى ەسەي جەڭىسۇلى "اقپارات ايدىنىنداعى قازاق ءتىلى: قانداي قاتەلىكتەر جىبەرىپ ءجۇرمىز؟" دەگەن تاقىرىپتا ءوز ويىمەن ءبولىستى. تەلەارنا تىلىندەگى قاتەلىكتەرگە ايرىقشا توقتىلىپ، باسىلىم بەتتەرىندە دە ۇشىراتاتىن تىلدىك نورماعا ساي كەلمەيتىن بىرقاتار سوزدەردىڭ ماعىناسىن اشىپ ءتۇسىندىردى. جۇرگىزۋشىلەر مەن كوممەنتاتورلارعا تىلىكەلەي ەفير بارىسىندا ورەسكەل قاتەلىككە جول بەرمەۋدىڭ جولدارىن ايتىپ ءوتتى.

سۇقبات بارىسىندا ءجۋرناليستىڭ "جۇلدىزىن جاعاتىن" سۇراعى مەن قوناعى ەكەنى انىق. سوندىقتان جۋرناليست سۇقباتتاسپاس بۇرىن كەيىپكەرىن ءجىتى زەرتتەيدى. ونىڭ ويى مەن سوزىنە سالماقپەن قاراۋى شارت. سەمينار بارىسىندا قوناق تاڭداۋ، تالداۋ ماسەلەسىنە “رەسپۋبليكالىق راديو” جشس باس ديرەكتورىنىڭ ورىنباسارى، "قازاق راديوسىنىڭ" جەتەكشىسى سەرىك سەيىتمان توقتالدى. ەفيرگە قوناق تاڭداۋدا تەلە-راديو جۋرناليستەرى ەسكەرۋگە ءتيىس ماڭىزدى جايتتاردى جىكتەپ بەردى. سونىمەن قاتار، راديو سالاسىندا كوركەمدىك كەڭەستەن وتپەي، ءساتسىز شىققان ولەڭدەردى تالداپ، ۇيقاس قۋدىڭ سوڭى تەك قانا قاتەلىك ەكەنىن قاداپ ايتتى.

شارا بارىسىندا “Til-audit.kz” سايتىنىڭ رەداكتورى جاسۇلان ناۋرىزاليەۆ ورتالىق جانە جەرگىلىكتى اتقارۋشى ورگانداردىڭ رەسمي ينتەرنەت-رەسۋرسىنداعى مەملەكەتتىك ءتىلدىڭ احۋالىنا توقتالدى. ول ناقتى دالەلدەمەلەرمەن قازاق ءتىلدى ينتەرنەت رەسۋرستاردىڭ كەمشىلىكتەرى مەن قاتەلىكتەرىن ءتىزىپ ءوتتى.

سەمينار-ترەنينگ سوڭىندا جۋرناليستەر عالىمدارعا، سالا ماماندارىنا سۇراقتارىن جولداپ، تۇشىمدى جاۋاپ الدى. عالىمجان سارسەنبايۇلى سالتاناتتى تۇردە قاتىسۋشىلارعا سەرتيفيكات تابىستىپ، اتالمىش شارا الداعى ۋاقىتتا جىلىنا ەكى رەت وتكىزىلەتىندىگىن تىلگە تيەك ەتتى.

Abai.kz