بيىلعى جىلى قازاق حالقىنىڭ ۇلى جازۋشىسى، عالىم، كورنەكتى قوعام قايراتكەرى مۇحتار ومارحانۇلى اۋەزوۆتىڭ تۋعانىنا 120 جىل تولادى. بۇل مادەني وقيعا ەلىمىزدە، قازاقستاننىڭ بارلىق وبلىستارىندا جانە شەت ەلدەردە كەڭىنەن اتاپ ءوتۋ شارالارى ۇيىمداستىرىلادى. وسى تاقىرىپتا ءتۇرلى كونفەرەنتسيا، كورمەلەر، كەزدەسۋلەر وتەدى.

2017 جىلى، 28 كىركۇيەك كۇنى الماتىدا «م.اۋەزوۆ جانە ۇلتىمىزدىڭ رۋحاني جاڭعىرۋى»  اتتى حالىقارالىق ۇلكەن عىلىمي سيمپوزيۋم وتەدى. سيمپوزيۋمعا اقش، گوللانديا، رەسەي، بەلورۋس، وزبەكستان، قىرعىزستان، ۇلىبريتانيا، تۇركيا سياقتى ەلدەردىڭ بەلگىلى ادەبيەت زەرتتەۋشى عالىمدارى قاتىسادى.

سالتاناتتى جيىندا م.اۋەزوۆ شىعارماشىلىعى مەن ونىڭ عىلىمي مۇراسى جونىندە، ونىڭ ەلىمىزدىڭ قازىرگى دامۋىنا تيگىزەتىن اسەرى جونىندە قازاقستاندىق تانىمال، بەلگىلى عالىمدار بايانداما جاسايدى.

سيمپوزيۋم جۇمىسىنا مەملەكەت، قوعام قايراتكەرلەرى، پارلامەنت دەپۋتاتتارى، قازاقستان رەسپۋبليكاسىنىڭ عىلىم جانە مادەنيەت كايراتكەرلەرى قاتىسادى.

حالىقارالىق عىلىمي سيمپوزيۋمدى ۇيىمداستىرۋشىلار – قر ءبىلىم جانە عىلىم مينسترلىگى  م.و.اۋەزوۆ اتىنداعى ادەبيەت جانە ونەر ينستيتۋتى، الماتى قالاسىنىڭ اكىمشىلىگى، قر ۇلتتىق عىلىم اكادەمياسى، مەملەكەتتىك تاريحي-مادەني، جانە ادەبي-مەموريالدىق «جيدەباي-ءبورىلى» قورىق-مۋزەيى.

م.اۋەزوۆتىڭ 120 جىلدىعىنا ارنالعان «م.و.اۋەزوۆ جانە ۇلتىمىزدىڭ رۋحاني جاڭعىرۋى اتتى حالىقارالىق سيمپوزيۋم عىلىم ورداسىنىڭ ۇلكەن كونتسەرت زالىندا وتەدى. باستالۋى 10.00-دە.

الماتى قالاسى، شەۆچەنكو كوشەسى، 28. 2-قابات.

Abai.kz