بەيسەنبى, 17 قازان 2019
2735 27 پىكىر 26 قىركۇيەك, 2017 ساعات 09:07

قىرعىزستان وسك باسشىسى بابانوۆتىڭ نازارباەۆپەن كەزدەسۋىن "جاۋاپسىزدىق" دەپ اتادى

قىرعىزستاننىڭ سايلاۋ جانە رەفەرەندۋم وتكىزۋ جونىندەگى ورتالىق كوميسسياسى پرەزيدەنتتىككە ۇمىتكەر ومىربەك بابانوۆتىڭ قازاقستان پرەزيدەنتى نۇرسۇلتان نازارباەۆپەن كەزدەسۋىنە قۇقىقتىق باعا بەرەدى. بۇل تۋرالى وسك ءتورايىمى نۇرجان شايلدابەكوۆا حابارلادى.

ونىڭ ايتۋىنشا، "سايلاۋ تۋرالى" زاڭنىڭ 28 بابىندا ۇمىتكەرلەرگە ۇگىت-ناسيحات كەزىندە شەتەل ساياساتكەرلەرىنىڭ سۋرەتتەرىن قولدانۋعا تىيىم سالىنعان. بىراق وسك جۇمىس توبى بۇل جاعدايدا زاڭ بۇزىلماعان، اقپاراتتى قازاقستان پرەزيدەنتىنىڭ ءباسپاسوز قىزمەتى تاراتقان دەپ ەسەپتەيدى. رەسمي شەشىم وسك جينالىسىندا قابىلدانادى. كوميسسيا ءتورايىمى "زاڭبۇزۋشىلىق بولدى" دەپ ەسەپتەيدى.

"مەن بۇلاي جاساۋعا بولمايدى دەپ ەسەپتەيمىن. بۇل جاۋاپسىزدىق دەپ ويلايمىن", - دەدى ول.

19 قىركۇيەكتە قازاقستان پرەزيدەنتىنىڭ رەسمي سايتى نازارباەۆتىڭ "رەسپۋبليكا - اتا-جۇرت" فراكتسياسىنىڭ باسشىسى ومىربەك بابانوۆپەن كەزدەسكەنى تۋرالى اقپارات جاريالادى. كەزدەسۋ الماتى قالاسىندا وتكەنى حابارلاندى. بىراق كەزدەسۋدىڭ ءوتۋ ۋاقىتى كورسەتىلمەگەن.

كەلەسى كۇنى قىرعىزستان ءسىم قازاقستانعا نارازىلىق نوتاسىن جولدادى.

Abai.kz

27 پىكىر