«Qazaqstan» رترك» اق Asia – Pasific Broadcasting Union نەمەسە قىسقاشا ABU دەپ اتالاتىن ازيا - تىنىق مۇحيتتىق حابار تاراتۋ وداعىنا ەندى. بۇل مۇشەلىك «Qazaqstan» كورپوراتسياسىنا ABU وتكىزەتىن سان ءتۇرلى شارالارىنا قاتىسۋعا جول اشادى.

ABU وداعىمەن قارىم-قاتىناستىڭ اياسىندا ازيانىڭ 34 ەلىندە ستانتسيالارى بار سپۋتنيكتىك Asiavision تەلەۆيدەنيەسىمەن اقپارات الماساتىن بولادى. ودان بولەك، ABU ءوز قۇرامىنا كىرگەندەرگە ءتۇرلى حالىقارالىق جوبالار اياسىندا باعدارلامالىق، زاڭگەرلىك، كونسالتينگتىك، باسقارۋشىلىق ماسەلەلەر بويىنشا كومەك بەرۋگە ءازىر. جانە تەلەراديوكورپوراتسيا قىزمەتكەرلەرىندە ABU ۇيىمداستىراتىن حالىقارالىق سەمينارلار مەن ترەنينگتەرگە قاتىسۋعا مۇمكىندىك پايدا بولادى.

«Qazaqstan» تەلەراديوكورپوراتسياسى الەمدىك تەلەنارىققا شىعۋدى كوزدەيدى. سوندىقتان حالىقارالىق سەرىكتەستىكتەردىڭ دامۋىنا ۇلكەن ءمان بەرەدى. ال، ABU-عا مۇشە بولۋ - وسى ستراتەگيا اياسىنداعى ماڭىزدى قادام. سەبەبى بۇل ىنتىماقتاستىق، ABU وداعىنىڭ قۇرامىنداعى 69 مەملەكەتتەگى 272 تەلەراديوكومپانيالارمەن تىعىز ىسكەرلىك قارىم-قاتىناس ورناتۋعا سەپتىگىن تيگىزبەك.

اقپارات: Asia – Pasific Broadcasting Union – كوممەرتسيالىق تا، ۇكىمەتتىك تە ەمەس كاسىبي قاۋىمداستىعى - 1964 جىلى قۇرىلعان. ول  ازيالىق ايماقتاعى حابار تاراتۋدى دامىتۋعا، حابار تاراتۋشى تەلەراديوكومپانيالاردىڭ ءوزىنارا حالىقارالىق ىنتىماقتاستىعىن جاقسارتۋعا باعىتتالعان.

Abai.kz