تۇرىك اسكەرى سيرياعا كىردى
تۇركيانىڭ بىرنەشە اسكەري تەحنيكاسى بۇگىن سيريا شەكاراسىنان ءوتىپ، يدليب پروۆينتسياسىنا كىردى دەپ حابارلادى جەرگىلىكتى تۇرعىندارعا سىلتەمە جاساعان Reuters اگەنتتىگى.
اگەنتتىكتىڭ ەكى دەرەككوزىنىڭ ايتۋىنشا، يدليب پروۆينيتسياسىنا ەنگەن بىرنەشە تۇرىك اسكەري تەحنيكاسىمەن بىرگە "تاحرير ءال-شام" جيحادشىلار جاساعى ىلەسىپ جۇرگەن. بۇعان دەيىن ۇلىبريتانيادا ورنالاسقان سيريالىق ادام قۇقىعى جونىندەگى ورتالىق، سونىمەن بىرگە كۋاگەرلەردىڭ سوزىنە سىلتەمە جاساعان Reuters اگەنتتىگى 8 قازان كۇنى تاڭەرتەڭ يدليب ايماعىنداعى كافر لۋسين اۋىلى ماڭىندا تۇرىك اسكەريلەرى "تاحرير ءال-شام" كۇشتەرىن اتقىلاعانى تۋرالى حابارلاعان ەدى.
تۇركيالىق تەلەارنالار سيريامەن شەكاراعا تۇرىك اسكەرى اپارىلعانى جانە يدليب تەرريتورياسىن اتقىلاعانى تۋرالى حابارلاعان.
انكارا اسكەري وپەراتسيانى سيريانىڭ يدليب پروۆينتسياسىنداعى "دەەسكالاتسيا" ايماقتارى تۋرالى 15 قىركۇيەكتە استانادا رەسەي، يران جانە تۇركيانىڭ قاتىسۋىمەن وتكەن كەلىسسوزدەردەن كەيىن باستاپ وتىر. ول كەلىسىمدە وپەراتسياعا "تاحرير ءال-شام" قاتىساتىنى تۋرالى ەشتەڭە ايتىلماعان.
سەنبى كۇنى تۇركيا پرەزيدەنتى رەجەپ ەردوعان تۇرىك اسكەريلەرى قولداۋ كورسەتەتىن سيريالىق كوتەرىلىسشىلەر يدليب پروۆينتسياسىندا ءىرى وپەراتسيا باستايتىنى تۋرالى حابارلاپ، تۇركيا ءوز شەكاراسى ماڭىندا "تەررورشىلار ءدالىزىن" قۇرۋعا جول بەرمەيدى دەپ مالىمدەگەن.
تۇركيا داماسكىدەگى ورتالىق بيلىككە قارسى كوتەرىلىسشىلەردى قولدايدى، ال رەسەي مەن يران پرەزيدەنت باشار اسادتىڭ رەجيمىن جاقتايدى.
Abai.kz
