اقش رەسەيدىڭ "يسلام مەملەكەتىمەن" كۇرەسكەن سىڭاي تانىتتى دەگەنىن جوققا شىعاردى
پەنتاگون كرەملدىڭ "يسلام مەملەكەتى" ەكسترەميستىك توبىنا قارسى كۇرەسكەن سىڭاي تانىتتى دەگەن سىنىن جوققا شىعاردى. بۇل مالىمدەمەدەن سوڭ ماسكەۋ مەن ۆاشينگتون اراسى ودان سايىن سۋىپ كەتتى.
رەسەي قورعانىس مينيسترلىگىنىڭ 10 قازانداعى مالىمدەمەسىندە اقش باسقاراتىن كواليتسيا يراكتا قىركۇيەك ايىندا وتە از اۋە سوققىسىن جاساعانى ايتىلعان.
"اقش باسقاراتىن كواليتسيانىڭ يراكتا "يسلام مەملەكەتى" سودىرلارىمەن دۇرىستاپ سوعىسپاي وتىر", - دەپ مالىمدەدى رەسەي قورعانىس ءمينيسترىنىڭ كەڭەسىنىڭ رەسمي وكىلى گەنەرال-مايور يگور كوناشەنكوۆ.
پەنتاگون ءباسپاسوز حاتشىسى پولكوۆنيك روبەرت مەننينگ رەسەيدىڭ بۇل مالىمدەمەسىن "ۇلكەن قاتەلىك" دەپ اتادى.
پەنتاگوننىڭ مالىمەتىنە قاراعاندا، اقش باسقاراتىن كواليتسيا جاسالعان سوققىلار تۋرالى مالىمەتتەردى كۇندە جاريالاپ كەلەدى.
Abai.kz
