قىرعىزستان قازاقستان پايدالاناتىن تالاس سۋ قويماسىنىڭ سۋىن اعىزىپ جىبەرمەك
قىرعىزستان 18 قازاننان باستاپ تالاس وبلىسى كارا-بۋرا اۋدانىنداعى كيروۆ سۋ قويماسىنىڭ سۋىن تولىعىمەن جىبەرەدى. قىرعىزستان اۋىل، سۋ جانە تاماق ونەركاسىبى مينيسترلىگىنىڭ حابارلاۋىنشا، كيروۆ سۋ قويماسىنا جوندەۋ جۇمىستارى جۇرگىزىلەدى.
تالاس سۋ قويماسىنداعى سۋدىڭ 12 پايىزىن عانا قىرعىزستان، ال قالعانىن قازاقستان پايدالانىپ كەلگەن. قىرعىزستانداعى بۇل قويما 1975 جىلى سالىنعان.
مينيسترلىك جوندەۋ جۇمىستارى تۋرالى قىرعىزستانداعى تالاس وبلىسى، ماناس اۋدانىنداعى جانە قازاقستانداعى شۋ-تالاس ايماعىنداعى سۋ ينسپەكتسياسىنا ەسكەرتكەن.
سۋ قويماسىنىڭ جوندەۋ جۇمىستارى قازاقستان مەن قىرعىزستان شەكاراسىندا تۋىنداعان ماسەلەمەن تۇسپا-تۇس كەلىپ وتىر.
Abai.kz
