قازىرگى تاڭدا ىسقاعازدارىن توپتاستىرۋدىڭ مازمۇنىنا قاراي، ستيلىنە قاراي، ىسقاعازدارىن وقىتۋعا قاتىستى ت.س.س كوپتەگەن تۇرلەرى بار. www.qujat.kz سايتىندا ىسقاعازدار كۇندەلىكتى قولدانۋعا قاراي 2-گە بولىنگەن:

1. كەڭسە قۇجاتتارى

2. كادر قۇجاتتارى

مۇندا سالىنعان كەڭسە قۇجاتتارى جاي ۇلگىلەر عانا ەمەس، قازىرگى ماماندار قولدانىپ جۇرگەن  كۇندەلىكتى قۇجاتتار بولعاندىقتان، وسىلاي بولگەن.

سايتتا قازاقستان رەسپۋبليكاسىندا قولدانىلاتىن بارلىق قۇجاتتار ەكى پاپكاعا جيناقتالعان، ءارى قاراي قۇجاتتاردىڭ جەكە ۇلگىلەرى بەرىلگەن. سايتتا قۇجاتتاردى ىزدەۋدىڭ 3 ءتۇرى ۇسىنىلعان:

1. جۇيەلى ىزدەۋ ءتۇرى. قۇجات ۇلگىلەرىن جوعارىدا كورسەتىلگەن پاپكالارعا كىرۋ ارقىلى تابا الاسىزدار.

2. قۇجات اتاۋىن جازۋ ارقىلى ىزدەۋ. ياعني سايتتىڭ باسقى بەتىندە تۇرعان ىزدەۋ دەگەن جولاققا قۇجات اتاۋىن ەنگىزۋ كەرەك. سوندا اۆتوماتتاندىرىلعان جۇيە ەكىنشى ارىپتەن باستاپ ىزدەي باستايدى. بۇل بارشاعا بەلگىلى google ىزدەۋ فۋنكتسياسىنا سايكەس جاسالعان.

3. ءارىپ ارقىلى ىزدەۋ. جوعارىداعى ەكى پاپكانىڭ وڭ جاعىنا ارىپتەر كلاۆياتۋراسى قويىلعان. بىزدىڭشە، بۇل جيناقى، ءارى پايدالانۋشىلار ءۇشىن ىڭعايلى، ءارى ىزدەۋدىڭ تاعى ءبىر ءتۇرى بولىپ تابىلادى.

بازادا بارلىعى (ورىسشا-قازاقشا) ەكى جۇزدەن اسا قۇجات ۇلگىسى بار. ولار PDF جانە DOC نۇسقاسىندا ساقتالعان. PDF نۇسقاسى كورىپ، تانىسۋ ءۇشىن. ال DOC نۇسقاسى قاجەتتى قۇجاتتى كوشىرىپ الىپ، ءارى قاراي جۇمىس ىستەۋ ءۇشىن. بۇل فۋنكتسيالار مىناداي تەرەزەلەر ارقىلى جۇمىس ىستەيدى.

سايت اۆتوماتتاندىرىلعان بولعاندىقتان ونلاين تۇردە قۇجات ۇلگىلەرىنە وزگەرىس ەڭگىزۋ قىزمەتى جۇمىس ىستەيدى. قۇجاتتى كوشىرىپ، ونى كومپتەرىڭىزدەن ىزدەپ جۇرمەي بىردەن وزگەرىس ەڭگىزىپ، شىعارۋعا نەمەسە جەكە پوشتاڭىزعا جىبەرۋگە بولادى. بۇل قىزمەتتەر پايدالانۋشىنىڭ جۇمىسىن جەڭىلدەتەدى، ءارى قۇجات تولتىرۋ پروتسەسسىن تەزدەتەدى.

بارلىق قۇجات ۇلگىلەرى سايتقا كوررەكتۋرالىق تەكسەرۋدەن وتكىزىلىپ،  سالىنعان. تاعى بىرقاتار كادر قۇجاتتارى رەتتەلىپ، سالىنۋعا دايىندالىپ جاتىر. سايتتاعى ءۇش ىزدەۋ جۇيەسى دە تولىقتاي جۇمىس ىستەپ تۇر.  ودان دا وزگە: قۇقىقتىق نەگىز، ماقالالار، كىتاپحانا، تەرميندەر، سۇراق-جاۋاپ سەكىلدى بولىمدەر ساپالى كونتەنتپەن تولىقتىرىلعان.

كۇندەلىكتى قولدانىستاعى قۇجاتتاردى ىرىكتەپ، تەكسەرىپ سايتقا سالعان مەملەكەتتىك ءتىلدى دامىتۋ ينستيتۋتى قىزمەتكەرلەرى مازمۇنى بويىنشا كەز كەلگەن سۇراقتارعا تۇسىنىكتەمە بەرۋگە دايىنبىز دەپ وتىر.

سايتتا ساپالى كونتەنتپەن تولتىرۋ جۇمىستارى ءالى دە جالعاسا بەرەدى. الدا ءالى IOS, Android ءۇشىن پورتالدىڭ ءموبيلدى قوسىمشاسىن ازىرلەۋ جۇمىستارى تۇر.

Abai.kz