«قارىم-قاتىناس كاسىبي دەڭگەيدە. ءبىز ءبىر عانا جول - بىرلەسىپ جۇمىس ىستەۋ ەكەنىن دالەلدەۋگە تىرىسىپ جاتىرمىز. بۇل تازالىقتى كوتەرەدى»، - دەدى ءامرين جۋرناليستەرگە.

ءامريننىڭ سوزدەرىنشە، وتكەن اپتادا قازاقستان ەكى ەل اراسىنداعى كەلىسىمگە سايكەس، قانداي تاۋارلار قانداي باعامەن ءتۇسىپ جاتقانى جونىندە اقپارات بەرگەن. «بىراق ءالى جاۋاپ العان جوقپىز. بۇل شارا قول قويىلماعان جول كارتاسىندا كورسەتىلگەن»، - دەدى ول.

قىرعىزستانمەن شەكارادا تۋىنداعان پروبلەمانىڭ سەبەبىن عۇسمان كەدەن، سالىق، فيتوسانيتارلى جانە كولىك زاڭدارىنىڭ بۇزىلۋىمەن تۇسىندىرەدى. «بۇل ءبىز ەمەس، ەۋرازيالىق ەكونوميكالىق كوميسسيانىڭ مونيتورينگى كورسەتكەن دالەلى»،- دەدى ول.

ول ەگەر قىرعىز تاراپىنان اقپارات كەلمەيتىن بولسا، باقىلاۋدى ودان سايىن كۇشەيتەتىنىن جەتكىزدى. «ەگەر ولار [قىرعىز تارابى] بىزگە اقپارات بەرمەي، بىرىگىپ جۇمىس ىستەۋدەن باس تارتاتىن بولسا، زاڭدى بۇزۋعا جول بەرمەس ءۇشىن، باقىلاۋدى كۇشەيتۋگە ءماجبۇر بولامىز»، - دەپ مالىمدەدى ءامرين.

10 قازاننان باستاپ قازاقستان قىرعىزستانمەن شەكارانى باقىلاۋدى كۇشەيتتى.

Abai.kz