جۇما, 29 ناۋرىز 2024
3634 3 پىكىر 9 قاراشا, 2017 ساعات 08:46

ءماجىلىس باق تۋرالى زاڭعا وزگەرىستى العاشقى وقىلىمدا ماقۇلدادى

پارلامەنت ءماجىلىسى سارسەنبىدە قازاقستاننىڭ كەيبىر زاڭنامالىق اكتىلەرىنە اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن تالقىلاپ، العاشقى وقىلىمدا ماقۇلدادى. زاڭ جوباسىن اقپارات جانە كوممۋنيكاتسيا ءمينيسترى داۋرەن اباەۆ تانىستىردى.

قۇجاتتى تالقىلاۋ كەزىندە دەپۋتاتتار داۋرەن اباەۆقا كەيبىر داۋلى وزگەرىستەر مەن تۇزەتۋلەرگە قاتىستى ساۋالدارىن قويدى. دەپۋتات مۇحتار ەرمەن جوبادا جەكە نەمەسە زاڭدى تۇلعا مەن باق اراسىنداعى داۋدى رەتتەۋدە باق سالاسىندا قىزمەت ەتەتىن قوعامدىق ۇيىمداردىڭ مامىلەگەر بولۋى قاراستىرىلعان با دەگەن تۇرعىدا سۇراق قويدى. مينيستر اباەۆ جەكە ازاماتتار نەمەسە زاڭدى تۇلعالار مەن باق اراسىنداعى داۋدى تاراپتار سوتقا جەتكىزبەي رەتتەۋىنە دە، مەدياتور ارقىلى شەشۋىنە دە بولاتىنى جانە باق سالاسىنداعى كەز-كەلگەن قوعامدىق ۇيىمنىڭ مەدياتور قىزمەتىن اتقارا الاتىنىن ايتتى.

بۇعان قوسا دەپۋتاتتار مەملەكەتتىك ورگانداردىڭ جۋرناليستەردىڭ ساۋالىنا جاۋاپ بەرۋ مەرزىمىن ۇسىنىلىپ وتىرعان 15 كۇننەن ازايتۋ قاجەتتىگىن دە ايتتى. دەپۋتاتتاردىڭ سوزىنشە، 15 كۇننەن كەيىن الىنعان اقپاراتتىڭ ماڭىزدىلىعى جويىلىپ، ەسكىرىپ كەتەدى. اباەۆ بۇعان قاتىستى "الەمدىك تاجىريبەدە مەملەكەتتىك ورگاندار اقپاراتتى 20 كۇن، ءتىپتى ءبىر اي شەگىندە دە بەرەدى" دەگەن ءۋاج كەلتىرىپ، مۇندا الاڭدايتىن ەشتەڭە جوعىن ايتتى. ول اقپارات بەرۋ مەرزىمىن 15 كۇننەن ازايتۋدى دەگەنمەن جۇمىسشى توبىندا تالقىلاۋعا دايىن ەكەنىن جەتكىزدى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590