سەنبى, 21 قىركۇيەك 2019
1425 8 پىكىر 10 قاراشا, 2017 ساعات 08:59

ساۋد ارابيادا كوررۋپتسيا ءىسى بويىنشا 200 ادام ۇستالدى

ساۋد ارابيا بيلىگى ەلىندەگى كوررۋپتسيانى زەرتتەۋگە بايلانىستى 200-دەن استام ادامدى تەرگەپ، ونىڭ تەك جەتەۋىن ايىپسىز بوساتتى.

ونداعان جىلدار بويىندا جۇرگىزىلىپ كەلگەن كوررۋپتسيالىق توپتىڭ ارەكەتىنەن ەلگە 100 ميلليارد دوللار شىعىن كەلدى دەپ مالىمدەدى ساۋد ارابيانىڭ باس پروكۋرورى. ونىڭ سوزىنشە، بۇل توپتىڭ ءىس-ارەكەتىن زەرتتەۋگە ءۇش جىل كەتكەن.

كورولدىكتە ءبىر جارىم مىڭنان استام بانك ەسەپ شوتى بۇعاتتالدى. سونىمەن بىرگە بىرىككەن اراب امىرلىگىنەن 19 جوعارى لاۋازىمدى شەنەۋنىكتىڭ بانكتەگى ەسەپ شوتتارى تۋرالى مالىمەت سۇراعان. Reuters اگەنتتىگىنىڭ حابارلاۋىنشا، ەلىندەگى وتە باي ادامدار بىردەن اكتيۆتەرىن ساتا باستاعان.

5 قاراشادا ساۋد ارابيادا 11 حانزادا مەن ءتورت مينيستر جانە ونداعان بۇرىنعى شەنەۋنىك ۇستالعان. بۇل ىسپەن مۇراگەر حانزادا مۇحاممەد بەن سالماننىڭ بۇيرىعىمەن قۇرىلعان كوررۋپتسيامەن كۇرەس كوميتەتى اينالىسىپ جاتىر.

Abai.kz

8 پىكىر