قۇرمەتتى زيالى قاۋىم، قادىرلى وقىرماندار! سىزدەرمەن قۋانىشتى جاڭالىعىمىزدى بولىسۋگە اسىق بولىپ وتىرمىز. وزدەرىڭىز اسىعا كۇتكەن www.adebiportal.kz ءموبيلدى قوسىمشاسى ىسكە قوسىلدى!

«ادەبيەت پورتالى» ينتەرنەت-جوباسىنىڭ موبيلدىك قوسىمشاسى IOS جانە Android پلاتفورمالارىندا ازىرلەنىپ، قولدانىسقا بەرىلدى. بۇگىننەن باستاپ قوسىمشانى كەز كەلگەن جەلى قولدانۋشىسى App Store نەمەسە Play Market ارقىلى جۇكتەپ الىپ، قاجەتىنە جاراتا الادى.

بۇل موبيلدىك قوسىمشا ارقىلى «ادەبيەت پورتالىنداعى» ادەبي ماقالالاردى، كىتاپتاردى وقۋ، اۋديوكىتاپتاردى تىڭداۋ، پورتالداعى ونلاين تۇردە ءوتىپ جاتقان ادەبي كونكۋرستارعا قاتىسۋ بۇرىنعىدان دا قولجەتىمدى بولماق. وقىرمان موبيلدىك قوسىمشانى ءوزىنىڭ سمارتفونىنا نەمەسە پلانشەتىنە جۇكتەپ الىپ، ساياباقتا دا، قوعامدىق كولىكتە دە، الىس جولعا شىققاندا دا، ءبىر سوزبەن ايتقاندا، كەز كەلگەن جەردە وقي الادى.

سونىمەن قاتار، موبيلدىك قوسىمشا ارقىلى «ادەبيەت پورتالىنا» تىركەلۋ دە نەداۋىر جەڭىلدەتىلىپ، وڭتايلانا ءتۇستى. پورتالعا تىركەلگەن وقىرمان «اشىق مىنبەر» بولىمىندە ءوزىنىڭ بلوگىن اشىپ، وندا ءوزى قالاعان ماتەريالدى ورنالاستىرا الادى. وزىندە بار ەلەكتروندى كىتاپتى جۇكتەپ، باسقا وقىرماندارمەن بولىسۋگە دە بولادى. پورتال پلاتفورماسىنداعى 4 مىڭنان استام كىتاپتىڭ ىشىنەن ءوزى تاڭداعان كىتاپقا بەلگى قويۋ ارقىلى ءوز بلوگىنا ساقتاپ، جەكە كىتاپحاناسىن دا جاساقتاي الادى. جەكە كىتاپحاناداعى كىتاپتاردىڭ ءبىر ەرەكشەلىگى – ولاردى وففلاين تۇردە، ياعني ينتەرنەت جەلىسى جوق جەردە دە وقۋعا مۇمكىندىك بار. وقىرمان كەز كەلگەن ماقالانىڭ استىنا پىكىر قالدىرىپ، باسقا وقىرماندارمەن وي ءبولىسىپ، ماقالانى تالقىلاۋعا اتسالىسادى. 4 مىڭعا جۋىق اۆتوردىڭ ىشىنەن وزىنە ۇنايتىن اۆتورعا «جانكۇيەر» بولۋ ارقىلى، سول اۆتوردىڭ پاراقشاسىن تولىقتىرۋعا قولعابىس ەتەدى.

«ادەبيەت پورتالى» ءوز وقىرماندارىنا موبيلدىك قوسىمشا ارقىلى ادەبيەت ايدىنىندا ەركىن جۇزۋگە بارلىق جاعدايدى جاساۋدى باستى ماقساتى دەپ سانايدى. ءموبيلدى قوسىمشانى ءوز سمارتفونىڭىزعا جۇكتەپ الىپ، ادەبيەت الەمىنىڭ مىڭ سان بوياۋلى عاجايىپ ومىرىنە ەنىڭىز! ءبىز ءسىزدى كۇتەمىز!

Abai.kz