يۆان كرىلوۆتىڭ ءبىر مىسالى: ىبىراي، اباي، احمەت
وسىدان 240 جىل بۇرىن (1769-1844) ورىس جازۋشىسى، اقىن، مىسالشى، سانكت-پەتەربور عىلىم اكادەمياسىنىڭ اكادەميگى كرىلوۆ يۆان اندرەەۆيچ دۇنيەگە كەلدى. ماسكەۋ قالاسىندا تۋعان. كرىلوۆ ورىس ادەبيەتىندە مىسال جانرىن بيىك ساتىعا كوتەردى. وتكىر دە ايشىقتى تىلىمەن، ءاجۋا، سىقاعىمەن ەرەكشەلەنەتىن 200-دەن استام مىسال جازدى. شىعارمالارىندا ءومىر شىندىعىن تەرەڭ بەينەلەپ، ادام بويىنداعى جاعىمسىز قىلىقتاردى شەنەدى. «رۋحتار پوشتاسى» ساتيرالىق جۋرنال شىعاردى. كوپتەگەن پەسالار مەن ليبرەتتولاردىڭ اۆتورى. قازاق وقىرماندارىن كرىلوۆ مىسالدارىمەن العاش رەت ى.التىنسارين («قارعا مەن تۇلكى»), اباي («ەسەك پەن بۇلبۇل»، «شەگىرتكە مەن قۇمىرسقا»، «ءپىل مەن قاندەن») تانىستىردى. ا.بايتۇرسىنوۆ كرىلوۆتان اۋدارعان جانە ءوزى جازعان مىسالداردان تۇراتىن كىتاپ شىعارسا، س.كوبەەۆ «ۇلگىلى ءتارجىما» اتتى كىتاپ جازىپ، وعان كرىلوۆتىڭ 37 مىسالىنىڭ اۋدارماسىن ەنگىزدى. كرىلوۆتىڭ تۋىندىلارى «مىسالدار» دەگەن اتپەن قازاق تىلىندە جەكە كىتاپ بولىپ شىققان دەپ حابارلايدى قازاقپارات.
وسىعان وراي، «اباي-اقپارات» وقىرماندارىنا يۆان كرىلوۆتىڭ «ۆورونا ي ليسا» اتتى مىسالى مەن ونىڭ قازاق تىلىندەگى ءۇش نۇسقاسىن بەرۋدى ءجون ساناپ وتىر.
