تاجىكستاندا "سالافيت" كارديوحيرۋرگتى سوتتاپ جاتىر
حۋدجاند قالاسىنىڭ سوتىندا 21 قاراشادا بەلگىلى كارديوحيرۋرگ ابدۋماليك سالوموۆتىڭ ىسىنە قاتىستى سوت باستالدى. ونى تاجىكستاندا تىيىم سالىنعان "سالافيا" قوزعالىسىنا بايلانىسى بار دەگەن ايىپ تاعىلعان.
سوتتالۋشى ورىندىعىندا دارىگەرمەن قاتار تاعى ەكى كۇدىكتى وتىر، دەپ حابارلادى دەرەككوز. جۇرەككە كۇردەلى وپەراتسيالار جاساعان تانىمال حيرۋرگتى قىركۇيەك ايىنىڭ سوڭىندا ۇستاپ، تەرگەۋ اباقتىسىنا وتىرعىزعان.
ونىڭ ادۆوكاتى باحتيور ۆاحيدوۆتىڭ ايتۋىنشا، كارديوحيرۋرگقا ەلدە تىيىم سالىنعان "سالافيا" قوزعالىسىنا بايلانىسى بار دەگەن كۇدىك كەلتىرىلگەن.
"تەرگەۋشىلەردىڭ ناقتى دالەلدەرى جوق. ونى قاماۋعا الۋعا جەتكىلىكتى نەگىز بولعان جوق", - دەدى باحتيور ۆوحيدوۆ.
سالوموۆتىڭ ءوزى تاعىلعان ايىپتاردى مويىندامادى، ەشقاشان ءدىني ۇيىمعا مۇشە بولماعانىن ايتتى. ادۆوكاتتىڭ ايتۋىنشا، كارديوحيرۋگتىڭ تۋىستارى پرەزيدەنت ەمومالي راحمونعا حات جازىپ، قىلمىستىق ءىستىڭ ءادىل تەرگەلۋىن سۇراعان.
Abai.kz
